Turumburilany Yitiyij Yetu Piur pa 1914

Bibil utukasikeshining chakwel twikala ‘tayad mu kwakul’ piur pa yitiyij yetu, ‘mu kusal mwamu nich kwitudish ni kalimish.’ (1 Pita 3:15) Mu mutapu wakin, chikutwish kutukasiken kurumburil uyakin ukurukina wa mu Bibil, mudi mutapu twija anch Want wasambishin kal kuyikel mu 1914. Mulong wa kutukwash, arijekin kal mitu ya milong ya yikunku yaad yilondina anch: «Conversation avec un Témoin de Jéhovah — Quand le Royaume de Dieu a-t-il Commencé à regner ?» Mitu ya milong yiney yikubudik mu manimero ma Chinong cha Kalam cha antu awonsu cha mu Français tukeza kusadil mu mudimu wetu wa kulejan pa Mwinkind ni pa Kalang. Pitukushinshikina mitu ya milong yiney, tukupwitin jinkeu pa yipul yilondwilaku ey yitadina piur pa mutapu wasadilay nambaz Cameron, udia mwin kulejan mu mwikadil ulejenau.

Ov, mutapu ik wasadinay . . .

• mu kusadil mbil ya kusambish nich mambamb mu mutapu uwamp?​—Mid. 17:22.

• mu kumekesh kwikepish chisu charumburilangay yitiyij yend?​—Mid. 14:15.

Ov, mulong wak chading chiwapina kudi ndiy . . .

• kuchirikin chisu ni chisu mazu ma mpwishil kurutu kwa kwisambin manans makwau?

• kupim chisu ni chisu ni kumwipul mwin chikumbu anch uteshin nawamp yom yamulejangay?

• kulik kulejan jinsangu jivud mu minsamb yimwing?​—Yoh. 16:12.

Musangar mud ik tukweta wa kwikal ni Yehova, ‘Mulej wetu Mujim’ utufundishininga mutapu wa kurumburil uyakin ukurukina wa mu Bibil kudi antu akweta yimpu ya kuutesh!​—Isay 30:20.