Tukudishany Ukaliweny Wetu mu Mudimu wa Kulejan—mu Kuyifumb Antu Asu

Chidia cha Usey: In kwilej asu a Yesu afanyidin kwilej kuziyil ku “yom yawonsu” yayilejay, mu yom yiney mud kuyifundish antu akwau uyakin. (Mat. 28:19, 20) Antu avud achidia kal asu awanyishin kal yitinau pasutiningau ku Shikol ya Mudimu wa Uteokas ni akat kulejan kand mu chikashimwish kudi anamakwau ap arund nau. Pakwez, payilau kurutu ni kusanger yom yilejinau ni pijau anch Yehova usotin anch antu awonsu atesha rusangu ruwamp, pawiy pamekeshinau rusot rau ra kwipan mu mudimu wa kulejan. (Rom 10:13, 14) Kupwa anch antu inay asu ayitiyij mudi in kulejan akad kubatishau, kufumb kuwamp kukutwish kwayikwash ijika usey wau wa kupam muspiritu.—Luka 6:40.

Mutapu wa Kusadil:

Mukwasha mwin kulejan musu atambula mikand yiswiridinay mulong wa kulejan ni kufundish nich. Muleja mutapu urijekina sakosh wey wa kulejan nich ni murumburila rutong ra mukand ni mukand usendina.
En awonsu aad, tondany chakumenaku cha chilakej chidia mu Mudimu Wetu wa Want ni chisadilany. Mukasikesha muntu musu alonda chakumenaku chinech mu mazu mend. Sadil yom yidia mu buku École du ministère pa paj wa 82 kukwatijan ni mashakamin ma mu teritwar wen. Kasikeshin pa usey wa kudjal ni kwileng kuwamp.—2 Kor. 6:3, 4.
Mufumba chakwel aya kurutu. Muleja mwin kulejan kart wa teritwar ni muleja mutapu wa kumusadil palejenay ku chikumbu ni chikumbu. Muleja mutapu wa kufund dijin dia muntu ukusangera. Muleja mutapu wa kusadil jw.org ni broshir Une bonne nouvelle pour des gens de toutes nations mu mudimu wa kulejan. Mukwasha akudisha musangar wend.—1 Kor. 3:6.
Ikal mwin kushimpish mushim ni kujikitish. (Jinsw. 25:11) Pan chilakej chiwamp. Mushiku wey ni kusanger kwey kwa pakampwil umekeshina kukez kwikal nich chibudikin chiwamp mu machuku ma kurutu.

Pakish Kusal Mwamu pa Ngond:

Sal mudimu wa kulejan ku chikumbu ni chikumbu pamwing ni mwin kwilej wey ni yang nend mu kuyichirikin antu ap mu kutakel dilejan dia Bibil. Anch ukwetap mwin kwilej nend, muleja mwin kulejan musu chakwel usalany nend pamwing.