BIBLIOTEK Udia pa Kapend

mwb16 Ndol p. 3
Yikasikesha Akwen ni Mazu Mawamp

Mudimu ni Mashakamin ma in Kristu—Mukand Wa Chikumangan (2016)

mwb16 Ndol p. 3

YOM YA USEY YIDIA MU DIZU DIA NZAMB | JOB 16-20

Yikasikesha Akwen ni Mazu Mawamp

Mazu ma kwongoj makutwish kuyikasikesh antu akwau

16:4, 5

Job wova runeng rikash, chawiy wikala ni kuswir kwa ukwash ni kumukasikesh kudi antu akwau
Arund asatu a Job kalondap dizu ap dimwing mulong wa kumwongoj. Pakwez, amufisha nich ni amuletina yakamish

Mazu mayimp ma Bilidad mamunenganesha Job

19:2, 25

Job wamwita Nzamb ukwash—ap anch wafanyina kufa
Job wateka ruchingej mu divumbuk ni wadandamena kujijaman nich kushinshaman

Elifaz wambambin ni Job, Bilidad ni Sofar ayitadin

IN KUMUFISH NICH A JOB

Elifaz:

Wadiokala pamwing ap ku Teman mwi ngand ya Edom. Teman amulejen mu Jeremiy 49:7 mudi ndond ya pakampwil ya in manangu a mu Edom
Mudi in “kongoj” inay a pasak akweta usu, Elifaz wading wa kusambish kulond. Wasala ma diskur masatu ni walonda yom yivud nakash kuyisutamu arund nend aad

Mazu ma makasu:

Wapipeja kujijaman kwa Job ni wamekesha anch Nzamb kakatap kuyichingejin atushalapol end (Job 4, 5)
Wamutazuka Job anch udi mwin kwibaz ni muntu muyimp ni wamekesha anch Job kamwovilap kwend Nzamb wom (Job 15)
Wamufunda Job anch udi mwin ris ni wakad kutentam ni wamekesha anch udi muntu wa chamwamu ku mes kwa Nzamb (Job 22)

Bilidad:

Mwan wa mu dijuku dia Shuwak. Yimeken anch wading ushich ku chikum cha wit wa Efrat
Wading mwin kulond wa kaad. Ma diskur mend masatu mading miswimp ni makad kwovishan nayimp mudi ma Elifaz

Mazu ma makasu:

Walonda anch an a Job asala chitil ni chawiy chafau ni wamekesha anch Job wading muntu muyimp (Job 8)
Walonda kand anch Job wading muntu muyimp (Job 18)
Wamekesha anch kujijaman kwa antu kukwetap usey (Job 25)

Sofar:

Muntu wa ku Nama, pamwing ap ul udia pakach pa kwiyand ni kurand kwa Arabe
Wading mwin kulond wa kasatu ni mwin kufish nich mukash. Walonda kwend ma diskur maad

Mazu ma makasu:

Wamufisha nich Job anch walonda yom yakad usey ni wamuleja anch alika yisal yend yiyimp (Job 11)
Walonda anch Job wading muntu muyimp ni mukayitil (Job 20)