Kufumb kwa Nzamb Kukat Kuwin Kasolikany

Yehova kakwetap kasolikany. (Mid 10:34, 35) Ukat kwitiy antu ‘adiokila ku mangand mawonsu, ni ku michid yawonsu, ni ku antu awonsu, ni ku jindim jawonsu.’ (Kuj 7:9) Chawiy, mu chikumangen cha win Kristu mufanyidinap kwikal kasolikany ap katond. (Jk 2:1-4) Tujikitishin mulong wa kufumb kwa Nzamb, tusangeridin paradis wa mu spiritu mutumena kuswimp kwa wuntu wa antu. (Is 11:6-9) Anch twasal usu wa kudiosh mu michim yetu kasolikany kawonsu, tukumekesh anch tudi in kumwimburij Nzamb.—Ef 5:1, 2.

MEKESH VIDEO ULONDINA ANCH JOHNY ET GIDEON: AVANT ENNEMIS, AUJOURD’HUI FRÈRES. KUPWA AKUL KU YIPUL YILONDWILAKU EY:

• Mulong wak kufumb kwa Nzamb kusutinamu usu usadinau antu mulong wa kupwish katond ni kasolikany?

• Chom ik chikushimwokishina piur pa ukadivar wa pa mangand mawonsu?

• Mutapu ik ukatau kumutumbish Yehova anch twalam uumwing wa win Kristu?