Kangal Wavuramenany Kulembil Mulong wa in Kristu Azengodinau

Bibil wasambela kulejan anch Satan ukutuzengol mulong wa kukangesh mudimu wa kulejan. (Yh 15:20; Kuj 12:17) Mutapu ik tukutwisha kuyikwash anamakwetu in Kristu azengodinau mu jingand jikwau? Tufanyidin kulembil mulong wau. “Kulembil kwa muntu utentamina kukwet ukash wa kusal chom.”—Jk 5:16.

Tukutwish kulembil piur pa yom ik? Tukutwish kumwit Yehova ayinkisha akadivar ni anambaz netu kutakaman ni ayikwasha chakwel kangal ova wom. (Is 41:10-13) Tukutwish kand kulembil mulong wa antakel chakwel akwata mipak yiwamp piur pa mudimu wa kulejan, ‘chakwel tutwisha kushakam zong mu chisambu nich mwom utumbila ni yaku ya zwang.’—1Tm 2:1, 2.

Chisu chamuzengolau Paul ni Pita, in Kristu a mu mivu chitot ya kusambish ajimbula majin mau mu malembil. (Mid 12:5; Ro 15:30, 31) Ap anch twijap majin ma antu awonsu azengodilau nlel, ov, tukutwish kujimbul chikumangen ap ngand yau?

Nikulembil mulong wa in Kristu azengodilau adia mu jingand ej: