MASHAKAMIN MA MWIN KRISTU
Chisu ik Nikutwisha Kand Kusal Mudi Chibol Nkwash?
Chishimushimu cha Ezekiel piur pa tempel chimekeshin anch antu a Yehova akutwish kusal yipan ya kwikatin. Muntu ni muntu ukutwish mutapu ik kupan milambu yiney ya kushiman?—Heb 13:15, 16.
Mutapu uwamp udi wa kusal mudi chibol nkwash. Muvu wa mudimu wa 2018 ukwet angond avud akweta machuku ma Diampos matan ni machuku ma Diarubing matan. Chinech chidi cha ukwash kudi antu akata kusal mudimu wa ku mujimbu chisu chawonsu ni ipanina mu kusal mudimu wa kulejan ching Diampos ap Diarubing. Chikwau kand, in kulejan akutwish kutond kusal asaa 30 ap 50 itinau mwi Ngond wa 3 ni wa 4 ap mwi ngond ukwezau kuyendin kudi kalam wa munyingumuku.
Chikwikal nchik anch tukwetap mutapu wa kusal mudi chibol nkwash? Tukutwish kusal usu wa kuwapish mutapu wetu wa kulejan ap kusal asaa avud. Chikalap nchik mutapu tudia, el rukat retu mulong wa Yehova ritubachika kumwinkish yom yetu yiwamp mu muvu wa mudimu wa 2018!—Ozey 14:2.
Mutapu ik nikutwisha kwimburij mushiku wa Sabina Hernández?
TAL VIDEO ULONDINA ANCH SABINA HERNÁDEZ: GRÂCE À JÉHOVAH, JE PEUX PRESQUE TOUT FAIRE, NI KUPWA AKUL KU YIPUL YILONDWILAKU EY:
Yom ik yimubachikina Sabina kusal yivud mu mudimu wa Yehova?
Chilakej cha Sabina chikukasikeshin mutapu ik?
Mu muvu wa mudimu wa 2018, ngond (angond) ik ukusala mudi chibol nkwash?