Kuyidish Antu Avud Kusutil Kudi Antu Akemp

Piswimp ni musambu wa Kusut kwa Yehova wa muvu wa 32 C.C., Yesu wasala chilay, chawiy chilay chimwing kusu chafundau kudi in kufund awonsu anying a Rusangu Ruwamp.

Kusutin chilay chinech, Yesu washa chilakej chidandamedinay kusadin kushik ni nlel.

14:16-21

• Yesu wayifumba in kwilejend kudish yisak yijim ya antu, ap anch ading kwau ni mabot matan ni ansh aad

• Yesu wasenda mabot ni ansh, ni kupwa kwa kulembil, wasambisha kuyangen in kwilej, in kwilej niyau ayangena antu

• Mu chilay, kwikala yakudia yivud mulong wa muntu ni muntu. Yesu wadisha tunan twa antu kusutin antu akemp—in kwilejend

  

• Yesu wasambela kulejan anch mu machuku ma kwinsudien, ukurijek njil ya kupanin “yakudia [ya mu spiritu] pa chisu chiwanyidina.”—Mt 24:45

• Mu muvu wa 1919, Yesu wateka ‘kashalapol ushinshamena ni kubabal,’ ka chisak kakemp ka akadivar azizidilau many, pa ‘atushalapol end akwau,’ antu adishinau

• Kusutin kachisak kinak kakemp ka akadivar azizidilau many, Yesu usadidin chilakej chashay mu mivu chitot ya kusambish

Mutapu ik nikutwisha kumekesh anch nij ni nilimishin njil yiney yisadidinay Yesu mulong wa kuyidish antu mu spiritu?