Tukudishany Ukaliweny Wetu mu Mudimu wa Kulejan​—Mu Kuyikwash Antu ‘Adia mu Mwikadil Uwanyidina’ Kwikal in Kwilej

MULONG WAK CHIDI CHA USEY: Yehova ukat kusal anch mbut ja uyakin jipama mu michim ya antu adia mu ‘mwikadil uwanyidina mulong wa kutambul mwom wa chikupu.’ (Mid 13:48; 1Ko 3:7) Tukat kusal pamwing ni ndiy kusutil ku kushinshikin usu wetu mu mudimu wa kulejan padi antu akata kusadin yom yilejinau. (1Ko 9:26) In kwilej a Bibil akwet kuswir kwa kwijik anch dibatish dia win Kristu didi dia usey mulong wa kupand. (1Pi 3:21) Tukat kuyikwash kwikal in kwilej kusutin kuyifundish kuswimp yom yimwing mu mwom yau, kulejan ni kufundish ni kupan mwom yau kudi Yehova.​—Mt 28:19, 20.

MUTAPU WA KUSADIN:

• Yivurisha in kwilej a Bibil anch chitongijok cha dilejan chidi cha kuyikwash ‘kushiken kumwijik’ ni kumusangaresh Yehova.​—Yh 17:3

• Yikwasha kukul mu spiritu kusutil ku kupandakan yikangesh, mudi yaku yiyimp ni arund ayimp

• Yikasikesha ni yikwasha kurutu ni kupwa kwa kutambul dibatish.​—Mid 14:22

TAL VIDEO YEHOVA NZAMB UKUKUKWASH, NI KUPWA AKUL KU YIPUL YILONDWILAKU EY:

• Wom ik ukutwisha kumuchirish muntu kwinyim mulong wa kwipan ni kutambul dibatish?

• Mutapu ik ukutwishau amakurump kuyikwash in kwilej a Bibil kukul mu spiritu?

• Yom ik yitufundishinay Isay 41:10 piur pa Yehova?

• Mikadil ik yikutwisha kutukwash kumusadin Yehova mu mutapu witiyinay, ap anch tudi antu akad kuwanyin?