Mutapu wa Kutaninamu Nakash mu Dilejan dia Muntu Panrend

MULONG WAK CHIDI CHA USEY: Kwilej Dizu dia Nzamb kukat kutukwash ‘kutesh kamu nawamp kujimb, kulep, kulep kwa kuya piur ni kulep kwa kukurik pansh’ kwa uyakin. (Ef 3:18) Dikat kutukwash kand kushal akad chidik ni akad kufish nich mu mangand minam mayimp ni kudandamen ‘kulam dang dizu dia mwom.’ (Fl 2:15, 16) Dilejan dia muntu panrend dia Dizu dia Nzamb dikat kutukwash kutond yom twiswiridina ayinetu. Mutapu ik tukutwisha kwitekin kamu chisu mulong wa kutang ni kwilej Bibil?

MUTAPU WA KUSADIN:

• Tek tupent pa maverse ni fund yom mu Bibil wey wa kwilej, ikala wa mapaper ap wa elekitronik

• Iyipula yipul ey chisu utangina Dizu dia Nzamb: ‘Nany? Chom ik? Chisu ik? Kwisu? Mulong wak? Mutapu ik?’

• Ikal ni uman. Sadin yom ya kukimbijol nich yidiaku, kimbijol kukwatijan ni mutu wa mulong ap verse wa Bibil

• Tongijokin pa yom utangina mulong wa kujingunin mutapu ukutadina jinsangu jinej

• Sadin yom wilejina mu mwom wey wa dichuku diawonsu. —Lk 6:47, 48

TAL VIDEO ULONDINA ANCH COMMENT TENIR FERME GRÂCE À UNE BONNE ÉTUDE INDIVIDUELLE, NI KUPWA AKUL KU YIPUL YILONDWILAKU EY:

• Mutapu ik urumburilau antu amwing piur pa dilejan dia muntu panrend?

• Mulong wak tufanyidin kusambish ni malembil kurutu kwa kusal dilejan dia muntu panrend?

• Yom ik yikutwisha kukukwash kutesh nawamp verse wa Bibil?

• Tupent twa mutapu ik tukutwisha kusadin mu dilejan dietu dia Bibil?

• Mulong wak kutongijokin kudi kwa usey chisu tutangina Dizu dia Nzamb?

• Yom ik tufanyidina kusal nich yom twilejina?