YOM YA USEY YIDIA MU DIZU DIA NZAMB | KOLOSAY 1-4

Djol Wuntu Ukur ni Djal Wuntu Wusu

3:5-14

Nambaz utongijokin kupwa kwa kutang buku sejany piswimp kudi Yehova pamwing ni Bibil wend

Ov, waswimpa nakash mu wuntu wey chisu wijika uyakin? Ukutwish kwikal nich kashinsh anch Yehova wasangera usu wasala. (Ezek 33:11) Pakwez, kudandamen kusal usu mulong wa kudiosh tuyisal tuyimp twa wuntu ukur kudi kwa usey nakash ni mulong wa kudandamen kumekesh wuntu wusu. Akul ku yipul yilondwilaku ey mulong wa kuman ndond ukutwisha kuswimp:

Ov, nimulamidin muntu wanrumbukidina rukuny?
Ov, nikat kumekesh kushimpish muchim, ap anch nisadin yom mau mau ap chisu niziyina?
Anch nikal ni yitongijok yiyimp, ov, nikat kuyidiosh kapamp kamwing?
Ov, nikwet yovil yiyimp piur pa antu a ulombu wa chikit chindj ap a ngand yindj?
Ov, machuku ma kwinyim am namulondin muntu kanang yom yiyimp ap najimen?