Midimu Yiwamp Yakad Kutwish Kuvuramen

Chiswapel kudi atushalapol awonsu a Yehova kusal midimu yiwamp mulong wa Yehova yikutwishau kuvurik chikupu. Mudi nvaj uyikatina anend ni uvurikina yom yiwamp yisadinau, Yehova kavuramedinap mudimu wetu ni rukat tumekeshina mulong wa dijin diend. (Mt 6:20; Heb 6:10) Chakin kamu, ukaliweny ni mashakamin metu mashalijadin. Pakwez, anch twasal usu wetu wawonsu mu mudimu wa Yehova, tukutwish kusangar. (Gal 6:4; Kol 3:23) Mu kusut kwa mivu, tunan twa akadivar nau anambaz asadin kal ku Betel. Ov, ukutwish kwipan mulong wa mudimu wa Betel? Anch ukutwishap, ov, ukutwish kumukasikesh muntu mukwau kusal mwamu ap kumukwash muntu udia ku Betel kudandamen kusal mudimu winou wa pakampwil?

TAL VIDEO ULONDINA ANCH IPANA MULONG WA KUSAL MUDIMU WA BETEL, NI KUPWA AKUL KU YIPUL YILONDWILAKU EY:

• Chom ik chifanyidina kutubachik kusal mudimu ku Betel?

• Yom ik yilondinau antu amwing piur pa yiyukish ya kusal ku Betel?

• Yom ik yitinau mulong wa kusal ku Betel?

• Mutapu ik ukutwisha kwizwish formiler mulong wa mudimu wa Betel?