DILEJAN 21

Ov, Betel Chom Ik?

Atuman a Yehova aad akat kusal mu Departema wa Yifatul ku Betel — Service artistique, États-Unis

Kaman wa Yehova ukat kusal ku mashin ma kubudishin mikand ku Betel mu Allemagne — Allemagne

Kaman wa Yehova usadin kwa kututin maswin ku Betel mu Kenya — Kenya

In kupan yakudia akat kurijek matebur mu kapalang ka kudil mu Betel wa Colombie room in Colombia — Colombie

Betel, didi dizu dia Hebereu dirumburikina anch “Chikumbu cha Nzamb.” (Disambishil 28:17, 19) Didi dizu diwanyidina kamu mulong wa chikumbu chijim ap yikumbu yisadidiningau midimu nich rutong ra pakampwil kudi Atuman a Yehova chakwel atakela ni akasikesha mudimu wa kulejan usadikina pa mangand mawonsu. Chisak Chitakedina chisadidining mudimu ku biro mujim mu New York, mu États-Unis, ni kwawiy kutakediningau midimu ya mabiro ma mitiy madia mu jingand jivud. Mudi chisak, antu inay asadininga midimu yiney ayij mudi yidi ya dijuku dia Betel. Mudi mudinga dijuku, antu inay ashiching ni asadining pamwing, asangaredining kudia pamwing, ni kwilej Bibil pamwing mu uumwing.—Kuseng 133:1.

Ndond ya pakampwil ya antu amekeshininga mwikadil wa kwipan. Ku Betel mwin mwawonsu kuding amakundj ni amband in Kristu ipanina chakwel asal rusot ra Nzamb ni kusadil pakampwil yisakin ya Want chisu chawonsu. (Mateu 6:33) Kwikiling muntu pakach pau utambwilinga difut, pakwez antu awonsu ayinkishining yikumbu ya kulal ni yakudia ni nfalang jikemp ja mu dibeng mulong wa kufutin yom ya muntu ipend. Muntu mwin mwawonsu usadininga ku Betel ukwet chisend, amwing asadining mu mabiro, kwimpish, ap mu chikumbu cha kudil. Amwing asadining mu chikumbu cha kuchapin mikand ap cha kuyikungij, ap kukomb yikumbu, kutut maswin, kulam ni kurijek yom kushalijan, ap yom yikwau.

Ndond ya midimu yivud mulong wa kukwash mudimu wa kulejan Want. Rutong ra Betel mwin mwawonsu riding ra kwijikish uyakin wa mu Bibil kudi antu avud anch chitwishikin. Broshir winou udi chilakej chimwing cha midimu yiney. Amufunda kwimbil ya Chisak Chitakedina, kusutil ku kumutum ku kasu ka nzembu kudi yitot ya in kukarumun adia pa mangand mawonsu, amuchapa ku mashiny majim machapininga swa ku ma Betel mavud machapininga ni amutuma mu yikumangen kusut 120 000. Pa chisu ni chisu chisadikininga midimu yiney, yid ya dijuku dia Betel ayikwashining nich ukwash mulong wa kuswapej midimu yawonsu—kulejan rusangu ruwamp.—Marko 13:10.

Ov, anany asadininga mudimu ku Betel, ni mutapu ik uyikwashiningau?
Ov, mudimu ik wa kuswapej usadikininga ku Betel ni Betel?