Atutwambil a Want Akatish

Tukwet musangar wa kukwijikishany jinsangu jimwing piur pa kutung kutunginau katat yikumbu yisatu yijim mu rupang ra Bethel ku Kinshasa. Katat mudimu wawonsu wa kutung aupwishin kal, ni mudimu wa kutek musong ap malat ni kupwish mukach yichidandamedin. Tukwet kand musangar wa kukwijikishany anch mwi ngond wa musamban 2006 asambishin kutung chikumbu cha kudil chikutwisha kwak antu 450 ni mpish. Mudimu winou wawonsu ausadin kudi kompanyi wa rutung wa munomu. Departema wa Bethel utadila milong ya Kutung ndiy utakedila mudimu ni ukat kushinshikin chisu ni chisu mulad uwamp wa kutung wa yikumbu yitunginau. Mudimu winou uwamp usadilau ni kuya kurutu kwa mudimu wa kutung yikumbu yisu ya Bethel yimekeshin anch Yehova uyukishin kujimb kwa chikumbu chend.

Chikwau kand, tukujikitishinany kamu nakash mulong wa ukwash wakwashinany tunan twa akadivar nau anambaz adia mu mar mulong wa njit ni yibudikin yau yiyimp.​—⁠Yohan 13:⁠35.

Mu 2006, twakwashin yikumangen 845 mu kwangan kwa maswin mu jindond mwadia kamu mar nakash. Chisak Chitakedila chitiyijin anch tuyikwasha akadivar, ni chinech chatwishikin nich ukwash wa akadivar netu adia mwi Mputu atutumidina piswimp aton 21 a maswin ni yisapat. Mu 2003/2004, twasadin kand chilik chimwing mulong wa kukwash yikumangen yidia mu mitambu yikwau ya teritwar wetu.

Tukwitinany kudandamen kulembil mulong wa akadivar inay​—⁠akadivar awidila mu mar ni akadivar apanina ukwash.​—⁠2 Kor. 1: 11.

Akadivar Nen,

Biro wa Mutiy wa Congo