Yehova Uyikatining Antu Ishitwila

“Owal ku makas. Rijek mu chikumbu chey. Komb pol. Diosh yishoshot.” Anvaj avud akat kuyifundish anau mutapu wa kwinang ku mujimbu. Pakwez, mbil ya kwinang yidiokil chakusambish kudi Nzamb wetu utumbila. (Kub 30:18-20; Kuv 23:14; 2Ko 7:1) Anch twinang ku mujimbu ni kutokish yom yetu, tukat kumushiman Yehova. (1Pi 1:14-16) Chidi nchik piur pa chikumbu chetu ni yom yikwau? Chinyim nau antu akata kudjibul yom mu ma balibal ap pibur, in Kristu akat kusal usu nakash wa kwinangish pa ndond yishichau. (Kus 115:16; Kuj 11:18) Ap mu yom yikemp nakash, mudi mutapu tukata kudjibul sashe wa bonbon, milond ap mabazoka, ukutwish kumekesh anch twinangin ap bwat. Mu yom yawonsu tusadina mu mwom wetu, tukatin “kumekesh anch, tudi atushalapol a Nzamb.”​—2Ko 6:3, 4.

TAL VIDEO ULONDINA ANCH NZAMB UKATIN ANTU ISHITWILA, NI KUPWA AKUL KU YIPUL YILONDWILAKU EY:

• Mutapu ik ukutwishau antu amwing kwiyingish nich anch karijekinap yom yau?

• Chijil cha Moses chilejen mutapu ik chitongijok cha Yehova piur pa Kwinang?

• Mutapu ik tukutwisha kumutumbish Yehova pakad kulond?