“Antu Awonsu pa Divu Ading Kulond Dizu Dimwing”

11:1-4, 6-9

Ku chimet cha Babel, Yehova wayipalangesha antu in kumumbwambwil parumbangeshay dizu diau. Nlel ukat kukumangej antu a chisak chijim adiokila ku michid ni mazu mawonsu ni uyinkishin ‘dizu dishitwila’ chakwel ‘atazuka pa dijin dia Yehova ni amusadina chikij ku chikij.’ (Sof 3:9; Kuj 7:9) ‘Dizu dishitwil’ udi uyakin piur pa Yehova ni piur pa rusot rend yidia mu Bibil.

Kwilej dizu dindj kwitin usu nakash kusutamu kwau kulam mu manangu mutapu wa kulond usu. Kwitin kwilej mutapu wa kutong usu. Chilik chimwing, kwilej dizu dishitwila dia uyakin kukat kukarumun manangu metu. (Ro 12:2) Kudi kwilej kudandamedina chakwel antu a Nzamb ikala mu uumwing.—1Ko 1:10.