Tukudishany Ukaliweny Wetu mu Mudimu wa Kulejan​—Mu Kupan Uman Kudi Amputames

MULONG WAK CHIDI CHA USEY: Antu avud adia amputames kakatap kwiyov nawamp mulong wa kwambamb ni muntu wakadiau kwijik. Chawiy chitin kukudish ukaliweny mulong wa kupan uman kudi antu mudi inay. Yehova uyibangidin amputames kwa rukat. (Lev 19:14) Tukutwish kwimburij chilakej chend mu kuyikwash amputames kwilej piur pa Yehova.

MUTAPU WA KUSADIN:

• ‘Kimb’ amputames. (Mt 10:11) Ov, wij muntu kanang ukweta mwanamakwend udia mputames? Ov, mu teritwar wen mudi mashikol, yikumbu ya kulamin ayej ap yitenchik yikwau kudia amputames akusangera mikand yibudishinau mulong wa amputames?

• Yibangina. Anch uyisangaredin ni wamekesh anch uyibangidin, yom yiney yikutwish kuyikwash amputames kwiyov nawamp. Sal usu wa kusambish mambamb piur pa chom kanang chiyisangareshina

• Pan Ukwash wa mu Spiritu. Mulong wa kuyikwash antu akad kuman, dirijek diabudishin kal mikand kushalijan. Mwipula muntu mutapu ukatinay kwilej. Ntakel wa mudimu wa kulejan ufanyidin kwikal nich kashinsh anch ankwash asadina ku mikand itin kal mikand yikatinay mputames.