Babal Chakwel Kangal Wapalangesh Nsangu ja Makasu

Nlel unou, rusangu rikutwish kupalangan kudi mamiliyon ma antu mu chisu chikemp, kusutil majurnal, radio, televizion, ni Internet. Atushalapol a “Nzamb wa uyakin” kakatiningap kupalangesh nsangu ja makasu ap pakad kutongin. (Kus 31:5 TMK; Kub 23:1) Nsangu ja makasu jikata kupalangan mu manyinyit jikutwish kuletish milong yikash. Mulong wa kujingunin anch rusangu ridi rakin, iyipula anch:

• ‘Ov, rusangu riner ridiokil ku musul wa kuchingejin?’ Pamwing ap muntu ukulejina rusangu kakwetap uman wawonsu. Yisu yivud, rusangu risutidining mu kan mwa antu avud rikat kuswimpang, chawiy, ufanyidin kubabal anch wijap musul wakin. Mulong antu akweta yisend mu chikumangen ayikwatining mudi musul wakin wa nsangu, afanyidin kubabal nakash chakwel kangal apalangesh nsangu jakadiau nich kashinsh

• ‘Ov, ridi mulong wa kupwishikish kalimish ka muntu?’ Anch rusangu ripwishikishin kalimish ka muntu ap ka chisak kanang, chiwapinap kuripalangesh.—Jnsw 18:8; Fl 4:8

• ‘Ov, ridi kamu rusangu rifanyidina kwitiyij?’ Babal nakash chisu uteshina nsangu jikutwisha kukubachik kukwat mupak kanang

TAL VIDEO UKWETA MUTU WA MULONG ANCH MUTAPU IK NIKUTWISHA KULIK KUPALANGESH NSANGU JIYIMP? NI KUPWA AKUL KU YIPUL YILONDWILAKU EY:

• 

  Kukwatijan ni Jinswir 12:18, yom tulondina yikutwish kwikal ni ubaj ik?

• 

  Mukand wa Filip 2:4 utukwashin mutapu ik kwikal ni chitongijok chisikena piur pa yom tukata kulond piur pa antu akwau?

• 

  Yom ik tufanyidina kusal anch twatesh antu akat kuyilond antu akwau yom yiyimp?

• 

  Yipul ik tufanyidina kwiyipul kurutu kwa kulond yom piur pa antu akwau?