MASHAKAMIN MA MWIN KRISTU
Tukudishany Ukaliweny Wetu Mu Mudimu Wa Kulejan Kupan Uman Kusutil Kamera ap Telefon wa ku Chis
MULONG WAK CHIDI CHA USEY: Mulong wa kuvulijan kwa chisum, kuya kurutu kwa yom ya teknoloji kusadin anch mu jingand juvud antu akat kutek ma kamera ni ma telefon ma ku yis ku yikumbu yau mulong wa kwichidij kudi atubaj ap kulik kuyandjik antu akad kwijikau mu rupang. Tukutwish pamwing ap kwov wom wa kulejan rusangu ruwamp kudi muntu twakad kuman, pakwez ndiy utumen. Yiyul yilondwilaku ey yikutukwash kulejan pakad wom kusutil kamera ap telefon wa ku chis. Tukutwish kand kusadin yiyul yiney anch tulejen rusangu ruwamp kusutil telefon wetu wa ku chikas.
MUTAPU WA KUSADIN:
Kangal watong anch antu kakukuteshap. Antu avud akweta ma kamera ni ma telefon ma ku yis akatining kwisamb netu
Pakwez vurik anch ma kamera mamwing makat kusambish kumumekesh muntu kurutu akwokala, chawiy mwin chikumbu ukutwish kukuman ni kutesh yiulondina piusejina ku chis
Anch mwin chikumbu wakwakul, lond ku telefon ap ku kamera wa ku chis mudi umumen muntu wambambina nend. Mwemwet ni sal majest mudi mu usadining machuku mawonsu. Lond yom wafanyinang kulond anch muntu wabudikang. Kangal wasej piswimp nakash ni kamera. Anch mwin chikumbu kakwakwilap, kangal washa uruu ap anch kudi mutapu wa kusal mwamu kusutil telefon wa ku chis
Ap anch wapwishany kal kwambamb, ijik anch mwin chikumbu ukutwish kudandamen kukutal ap kutesh yom ulondina