Ov, Ukutwish Kusadin Usu ni Chisu Chey Mulong wa Kukwash?

Mudi mwasambelay kulejan muprofet Isay, chikunku cha dirijek dia Yehova chidia pa divu chiyil kurutu nakash kusutamu mivu ya kwinyim. (Is 54:2) Chawiy, chinech chitin kutung Yot ya Want yisu, Yot ya Yitentam, ni ma Betel. Kupwa kwa kuyitung yitining kand kuyilam nawamp, ni mu kusut kwa chisu chitining kand kuyirijek. Ov, umenap anch chinech chitwinkishin mutapu wa kusadin chisu ni usu wetu mulong wa kukwash mudimu wa Yehova?

• Tukutwish kukwash anch chirund chetu cha mudimu wa kulejan chawiy chikweta chisend cha kurijek Chot cha Want

• Tukutwish kwipan chakwel atufumba mulong wa kurijekang Chot cha Want

• Ukutwish kwizwish formiler Demande d’admission comme volontaire local développement/construction (DC-50) mulong wa kukwashang pa chipatu mudimu wa kutung ni wa kurijek yikumbu ya Want

• Ukutwish kwizwish kand formiler Demande d’admission comme volontaire (A-19) mulong wa kusal mudi mwin kwisotil mu rubing rimwing ap mbing jivud ku Betel udia mu teritwar wen ap ku ma biro makwau matakedinau kudi biro wa mutiy

TAL VIDEO TUTENCHIKIN PROJE MUSU WA KUTUNG​—KACHIKUNKU, NI KUPWA AKUL KU YIPUL YILONDWILAKU EY:

• Rumburil mutapu tusadidina nakash mavideo kusambishin mu muvu wa 2014 kusutamu pakur?

• Mulong wa kubudish mavideo matukweta nich kuswir mulong wa difukwil dietu, akwatin mupak wa kutung yom ik ni mudimu winou ukasambish chisu ik ni ukupwa chisu ik?

• Mutapu ik ukutwishau in kwisotil kukwash mudimu winou?

• Anch tudi piswimp, ni tukatin kukwash mudimu winou wa kutung mu Ramapo, mulong wak tufanyidin kwizwish formiler (DC-50) ni kusambish kusal pamwing ni chisak cha in kutung chidia piswimp ni ndond tudia?

• Uman ik tukweta wamekeshina anch Yehova utakedin proje winou?

• Mutapu ik ukwau tukutwisha kukwash mudimu winou ap anch tukwetap mutapu wa kuyaku?