Tond Kumusadin Yehova

Anch ud mwin Kristu nsand ap anch wilejin Bibil, ov, ukwet chitongijok cha kukubatish? Mulong wak ukatina anch akubatish? Kwipan ni dibatish yikat kumutek muntu mu urund wa pakampwil ni Yehova. (Kus 91:1) Yikutwish kand kumupandish muntu. (1Pi 3:21) Mutapu ik ukutwisha kushiken ku kwipan ni ku dibatish?

Ikal amwiney nich kashinsh anch winou wawiy uyakin. Anch wikal nich yipul kanang, kimbijol. (Ro 12:2) Jingunin yom ufanyidina kuswimp mu mwom wey, ni sal usu wa kumusangaresh Yehova. (Jnsw 27:11; Ef 4:23, 24) Mulembilang chisu chawonsu chakwel akukwash. Ikal nich kashinsh anch Yehova ukukukwash ni kukukasikesh kusutil spiritu wend utumbila. (1Pi 5:10, 11) Usu uusadina ud wa ukwash. Kumusadin Yehova chid chom chiwamp nakash mu mwom!—Kus 16:11.

TAL VIDEO, NJIL YITWADINA KU DIBATISH, NI KUPWA AKUL KU YIPUL YILONDWILAKU EY:

• Yikangesh ik yapandakanau antu amwing chakwel ayibatish?

• Mutapu ik ukutwisha kukasikesh ritiy mulong wa kwipan kud Yehova?

• Yom ik yayikasikesha antu amwing kukwat mupak wa kuyibatish?

• Yiyukish ik yikatau kwikal nich antu atondina kumusadin Yehova?

• Kwipan ni dibatish yirumburikin ik?