Kuzangurok Chisu Ufundishina

Antu akwau akutwish kuzangurok anch tuzangurokin. Ni kusal mwamu kukat kuyibachik antu atuteshina kuta matu nakash ku yom tulondina. Kukat kumekesh kand anch tukwatin nich usey uruu wetu. Tukutwish kukudish mwikadil wa kuzangurok chikalap nchik ndond twapamina ap wuntu wetu. (Ro 12:11) Mutapu ik tukutwisha kusal mwamu?

Chakusambish, tongijokin pa usey wa uruu ukulejana. Ukwet dilau dia ‘kulejan nsangu jiwamp piur pa yom yiwamp!’ (Ro 10:15) Cha kaad, tongin mutapu rusangu ruwamp rikutwisha kuwapish mashakamin ma antu akuritesha. Akwet kamu kuswir kwa kutesh yom ukuyileja. (Ro 10:13, 14) Cha kasatu, lond nich kashinsh, nich majest mud mutapu ukata kulond machuku mawonsu.

TAL VIDEO IKAL NI MUSANGAR UDIOKILA KU KWIKADISH IN KWILEJ​—KUDISH UKALIWENY WEY MU—​KUZANGUROK CHISU UFUNDISHINA, NI KUPWA AKUL KU YIPUL EY:

• Yom ik yasalang anch Neeta ashadisha kuzangurok kwend padia pilejinay ni Jade?

• Yom ik yamukwashang Neeta kuchirish kuzangurok kwend?

• Mulong wak tufanyidin kushinshikin pa mikadil yiwamp ya antu atuteshina?

• Kuzangurok kukutwish kwikal ni usu ik pad in kwilej etu a Bibil ni antu akwau?