Mekesh Rukat mu Dijuku

Rukat ud ulaaj uyibombina antu a mu dijuku pamwing. Antu a mu dijuku kakutwishap kwikal mu uumwing ni kwovijan anch kakwetap rukat. Mutapu ik ukutwishau angatan, angachik, nau anvaj kumekesh rukat mu dijuku?

Ngatan ukweta rukat ukat kubangin maswir, yitongijok, ni yovil ya mukajend. (Ef 5:28, 29) Ukat kuwanyish maswir ma ku mujimbu ni ma mu spiritu ma dijuku diend, ni ukat kutakel pakad kujing Difukwil dia mu Dijuku. (1Tim. 5:8) Ngachik ukweta rukat ukat kumuziyin ni “kumulimish nfumwend” chikurikina. (Ef 5:22, 33; 1Pi 3:1-6) Ambay a uruw afanyidin kulikishijadin kwa kwikatin nich muchim umwing. (Ef 4:32) Anvaj akweta rukat akat kumubangin mwan ni mwan, ni akat kuyifundish kumukat Yehova. (Kuv 6:6, 7; Ef 6:4) Yikokujol ik yirishiningau nich anau ku shikol? Yom ik yikatau kusal mulong wa kupandikan yibachikin ya arund nau? Anch mu dijuku mwikal rukat nakash, antu awonsu adiamu akusangar ni akwikal mu diking.

TAL VIDEO MEKESH RUKAT RUSHICHING CHIKUPU MU DIJUKU DIEY, NI KUPWA AKUL KU YIPUL EY:

• Mutapu ik ukatay ngatan ukweta rukat kuwanyish maswir ma mukajend ni kumekesh anch umukatin?

• Mutapu ik ukatay ngachik ukweta rukat kumekesh anch umulimishin nfumwend chikurikina?

• Mutapu ik ukatau anvaj akweta rukat kuyifundish anau Dizu dia Nzamb?