Kuyanaken Antu

Kuyanaken antu ud ukaliweny wa kwijik yitongijok, yovil, usey ni maswir ma antu akwau. Antu akwau akat kwijik anch tukat kuyanaken. Anch twasal usu wa kuyikwash antu akwau, chinech chikutukwash tuyanakena. Anch twayanaken antu mu mudimu wa kulejan, tukat kumekesh rukat ni kubangin kwa Yehova, chinech chikat kuyibachik antu chakwel akata kumwijik Yehova.​—Fl 2:4.

Kumekesh ranaken udiap kwau mutapu tukata kusadin mulong wa kuyifundish nich antu akwau; pakwez ukat kumeken kusutil mutapu tukata kuyitesh ni mutapu tukata kumekesh chifu chetu pitulondina. Tukat kuyanaken antu akwau kusutil ku kuyibangin chipandakena. Tufanyidin kusal usu wa kwijik yom yikatiningau, yitiyij yau ni mashakamin mau. Tukat kuyikwash nich yom kanang ni kuyinkish kand yiyul, pakwez tukatap kuyishindin chakwel aswimpa mashakamin mau. Anch antu akwau asanger kutambul ukwash wetu, chinech chikat kuvudish musangar wetu mu mudimu wa kulejan.

TAL VIDEO IKAL NI MUSANGAR UDIOKILA KU KWIKADISH IN KWILEJ​—KUDISH UKALIWENY WEY MU—​KUYANAKEN ANTU NI KUPWA AKUL KU YIPUL YILONDWILAKU EY:

• Mutapu ik wamekeshay Neeta ranaken chisu chaswinkanay Jade?

• Mutapu ik wamekeshay Neeta ranaken chisu chalonday Jade anch kakutwishap kwilej nend mulong wading ni yakamish?

• Mutapu ik wamekeshay Neeta ranaken chisu chalonday Jade anch katenchikiningap yom nawamp mu chikumbu?