Sadin Yom Yetu ya Kukimbijol Nich

Yehova utwinkishin yom chakwel tufundish nich ukaliweny. Pakach pa yom yiney pad mavideo, matrakt, magazet, mabroshir, mabuku, ni chom chipandikena usey, ud Bibil. (2Tim 3:16) Utwinkishin kand yom ya kukimbijol nich yikutwisha kutukwash kurumburil nich Mifund. Pakach pa yom yiney pad Watchtower Library, application JW Library^®, BIBILIYOTEK UDIA PA KAPEND wa Watchtower™, ni Ukwash wa Kukimbijol Nich wa Atuman a Yehova.

Ukwikal ni musangar anch wasadin yom ya kukimbijol nich ukweta mulong wa kukimb chikurikina mu Bibil. Sal usu wa kuyifumb antu ukata kwilej nau Bibil mutapu wa kusadin yom yiney. Mwamu niyau akwikal ni musangar wa kujingunin ayinau yakul ku yipul piur pa Bibil.

TAL VIDEO IKAL NI MUSANGAR UDIOKILA KU KWIKADISH IN KWILEJ​—ITIY UKWASH WA YEHOVA—​YOM YA KUKIMBIJOL NICH, NI KUPWA AKUL KU YIPUL YILONDWILAKU EY:

• Chikangesh ik chalangwishangay Jade piur pa yitang?

• Kwisu kwatanay kal Neeta nsangu pa mulong winou?

• Mutapu ik wakumangejangay nsangu jikutwisha kamu kumukwash Jade?

• Kusadin yom yetu ya kukimbijol nich kwikalang ni yibudikin ik pad Neeta?