Mutapu Ukutwishau Anambaz Kumusadin Yehova Nakash

Anambaz akat kukwash nakash mudimu wa Want. (Kus 68:11) Akat kutakel malejan mavud ma Bibil. Ayibol a rawonsu avud ad anambaz. Tunan twa anambaz asadina mudimu ukash asadin ku Betel, mu mudimu wa umishoner, mu mudimu wa kutung, ni mu mudimu wa kukarumun. Anambaz aswila akat kukasikesh majuku mau ni yikumangen. (Jnsw 14:1) Ap anch anambaz kakutwishap kwikal amakurump ap ankwash a mudimu, akutwish kwitekin yom yikwau ya kusal mu chikumangen. Anch ud nambaz, ov, yom ik ukutwisha kusal mulong wa kumusadin Yehova nakash?

• Kudish mikadil ya mu spiritu. ​—1Tim 3:11; 1Pi 3:3-6

• Yikwasha anambaz a mu chikumangen ija yom yikemp.​—Tit 2:3-5

• Sal usu wa kulejan nakash ni wapish mutapu wey wa kulejan

• Ileja dizu dikwau

• Yang kukwash kwi ndond kudia maswir

• Izwish formiler wa kuya ku Betel ap mulong wa kukwash kutung yikumbu ya midimu ya uteokras

• Izwish formiler wa kuya ku Shikol ya in Kulejan a Want

TAL VIDEO “AMBAND ASADINA MUDIMU NAKASH MWI NSALEJETU,” NI KUPWA AKUL CHIPUL ECH:

• Yom yalonday kal nambaz ni nambaz yakukasikesh kal mutapu ik?