Malejan Twilejidina ku Mwom wa Samwel

Samwel washala ushinshamena kud Yehova mu mwom wen wawonsu. Ap anch wading nsand, walika kuyimburij an a Eli, Hofini ni Fineas. (1Sam 2:22-26) Samwel wadandamen kukul, ni Yehova wading nend. (1Sam 3:19) Pananapay, wadandamena kwendil mwi njil ja Yehova ap anch anend kasalap mwamu.​—1Sam 8:1-5.

Chilakej cha Samwel chitufundishin ik? Anch ud nsand, ikal nich kashinsh anch Yehova wij milong urishina nich ni mutapu wiyovila. Ukutwish kukukwash kuyipandakan. (Is 41:10, 13) Anch ud nvaj ukweta an akad kumusadin Yehova, kangal kuziy mu kwijik anch Samwel kayishindilap anend kulimish mbil jitumbila ja Yehova. Wateka milong yend mu makas ma Yehova, walama kushinshaman kwend ni wamusangaresha Tatukwend wa mwiur, Yehova. Pamwing ap chilakej chey chikutwish kuyibachik aney kumusadin kand Yehova.

TAL VIDEO YOM YITUFUNDISHINAU—SAMWEL, NI KUPWA AKUL KU YIPUL YILONDWILAKU EY:

• 

  Mutapu ik wamekeshay Samwel kutakaman padingay nsand?

• 

  Mutapu ik wamekeshay Danny kutakaman?

• 

  Chilakej ik chiwamp chashay Samwel ku upal wend?

• 

  Chilakej ik chiwamp chashau anvaj a Danny?