Yikunku ya Ukwash Yidia mu Sanger Mwom Chikupu!

Ov, ukatin kusadin mavideo ni yipul ya kumubachik nich mwin kwilej kulond yitonginay, yidia mu buku Sanger Mwom Chikupu!? Chid nchik piur pa yikunku mud “Anch Muntu Wakwel Anch,” “Cha kusal,” ni “Jingunin Kand”? Yikunku ik yikwau umena anch yikutwish kukukwash chisu utakedina dilejan dia Bibil?​—Mt 28:19, 20.

Mavideo ni Mareferans: Anch ukatin kutakel dilejan dia Bibil kusutil buku wa kuchap, mutapu ik ukutwisha kutan pakad kulab mavideo ni mareferans mawonsu ndond yimwing? Mu buku wa elektronik, shat pa chikunku chimwing pakach pa yikunku yinying yijim ya buku. Kwinshin, kwinsudiel kwa list wa mitu ya milong, ukutwish kushat pa mavideo ni mareferans ma chikunku chakabuj. (Tal chipich 1.)

“Buku wa kuchap”: Anch usadidin buku wa mu telefon mulong wa kwilej ni muntu, ukutwish pamwing ap kuswiriken chisu ni chisu “Buku wa Kuchap” pa chisu cha dilejan. Paudia mu dilejan, shat pa manans masatu madia kwiur ku mutambu wa katatuku, kupwa shat pa “Mode Image.” Mulad winou ukukukwash kulam mu manangu chitongijok chijim cha dilejan chisu wisambina ni mwin kwilej. Mulong wa kuchirik mu buku wa elektronik, shat kand pa manans masatu, kupwa shat pa “Mode Texte.”

“Ov, Niwanyidin?”: Mishet yiney yidia piswimp ni kwinsudien kwa buku yisambidin yom ya padishin yifanyidinay kuwanyish muntu mulong wa kusambish kulejan pamwing ni chikumangen ap mulong wa kumubatish. (Tal chipich 2.)

Mazu ma Kwinsudiel: Mu Mazu ma Kwinsudiel arumburilamu yom yimwing piur pa mitu ya milong yimwing ya usey. Mu buku wa elektronik, kwinsudien kwa mazu ma kwinsudiel mawonsu kud lien ukukukwasha kuchirik pawadia mu dilejan. (Tal chipich 2.)