Mutapu wa Kusadin Mavideo ma Kusambish Nich Dilejan dia Bibil

Tukwet mavideo manying makusambish nich dilejan dia Bibil tukutwisha kusadin mu mudimu wa kulejan. Mavideo minam amabudishin mulong wak?

• 

  Mulong wak Kwilej Bibil?​—Mulemp amubudisha mulong wa kumubachik muntu kusanger kwilej Bibil chikalap nchik yitij ya relijon wend. Uyikasikeshin antu akata kumutal kukimb mu Bibil yakul ku yipul yijim ya mwom ni ulejen mu wiswimp yakul yimwing yovakena nawamp tutaninamu. Urumburil kand mutapu wa kwit dilejan dia Bibil.

• 

  Mulong wak Kwilej Bibil? (mwiswimp) ukwet chitongijok chimwing ni mulemp, pakwez amwiswipishin nakash. Ukutwish kukwash nakash ku jindond kudia antu akwatakena nakash.

• 

  Ov, Yom ik Yisadikininga pa Chisu cha Dilejan dia Bibil? amubudisha mulong wa kuyibachik antu kusanger program wetu wa kwilej Bibil ni antu pakad kufut, ni wakwil kand ku yipul yimwing yikatau antu kwipul nakash piur pa dilejan dia Bibil. Kupwa ulejen mutapu wa kwit dilejan dia Bibil.

• 

  Wezaku ku Dilejan Diey dia Bibil ud wa kuyitadish in kwilej Bibil. Ap anch video winou ud pa paj wa kaad wa buku Sanger Mwom Chikupu!, pakwez tukutwish kand kwetu kumutadishay muntu tukimbina kusambish kwilej nend broshir Sanger Mwom Chikupu! Video winou ulejen mutapu udiay buku ni umurumburidin kand mwin kwilej mutapu ukumwilejay.

Ap anch video ni video amubudisha ni chitongijok chend, pakwez tukutwish kumutadisham muntu ap kumutuminam anch chid cha usey kusal mwamu. In kulejan afanyidin kumijik nawamp mavideo minam ni kumasadin mu mutapu uwamp mu mudimu wa kulejan.