BIBLIOTEK Udia pa Kapend
BIBLIOTEK
UDIA PA KAPEND
Uruund
  • BIBIL
  • MIKAND
  • YIKUMANGAN
  • w20 Ndol-Mem map. 8 ​-​ 11
  • Ant Aad Apwitamijadina mu Chisu cha Kwinsudiel

Kwikil video ukimbina

Video winou umukimbinap amboku nawamp.

  • Ant Aad Apwitamijadina mu Chisu cha Kwinsudiel
  • Chinong cha Kalam Chilejen Want wa Yehova (Cha Kwilej)—2020
  • Yom Yifanakena
  • Anany Ikala “Mwant wa Kwiyand” mu Chisu cha Kwinsudiel?
    Chinong cha Kalam Chilejen Want wa Yehova (Cha Kwilej)—2020
  • Yehova Ulejen “Yom Yisotila Kwez Kumekan Swa”
    Chinong cha Kalam Chilejen Want wa Yehova—2012
  • Nany Udia “Mwant wa Kwiyand” Nlel?
    Chinong cha Kalam Chilejen Want wa Yehova (Cha Kwilej)—2020
  • Buku wa Kujingunik Urumburikin ik Kud Akankuny a Nzamb?
    Chinong cha Kalam Chilejen Want wa Yehova (Cha Kwilej)—2022
Tal Yom Yivud
Chinong cha Kalam Chilejen Want wa Yehova (Cha Kwilej)—2020
w20 Ndol-Mem map. 8 ​-​ 11

Ant Aad Apwitamijadina mu Chisu cha Kwinsudiel

Ant Aad Apwitamijadina mu Chisu cha Kwinsudiel Uprofet wisambidinau mu tablo winou ulejen yinship yisadikina yawonsu pa chirung chimwing. Yinship yiney yawonsu yimekeshin patok anch tushich mu ‘chisu cha kwinsudiel.’—Dan. 12:4.

Tablo ulejena uprofet ni ulejena kand ant ikala mwant wa kwiyand ni mwant wa kurul kudiokal mu muvu wa 1870 djat ni nlel unou.
  • Tablo wa 1 pakach pa matablo 4, ulejena kulondulijan kwa uprofet mu machuku ma kwinsudiel kusambish piswimp mu muvu wa 1870 kushik mu muvu wa 1918. Kusambishin mu muvu wa 1914, mivu yiney yimekeshin machuku ma kwinsudiel. Uprofet wa 1: Nnam wa chidiany ukweta mitu sambwad wamekana kurutu kwa muvu wa kusambish ulejenau mu tablo. Pa chisu cha Njit ja Kusambish ja pa Mangand Mawonsu, mutu wa sambwad wa nnam autap kal. Kusambish mu muvu wa 1917, mutu wa sambwad wayerik kal ni nnam wa chidiany wikal kal kand ni usu. Uprofet wa 2: Mwant wa kwiyand wamekan kal mu muvu wa 1871, ni mwant wa kurul wamekan kal mu muvu wa 1870. Mu muvu wa 1871, Mwant wa kwiyand wijikan kal kand anch udi Alemany. Grande-Bretagne wijikan kal kapamp ka kusambish kwikal mwant wa kurul, pakwez mu muvu wa 1917, amuswinkan kal kudi Dikand Dia pa Mangand Mawonsu Dia Angleter ni Amerik. Uprofet wa 3: Kusambish piswimp mu muvu wa 1870, Charles T. Russell ni arund nend ikal kal ‘muruu.’ Kusambish mu muvu wa 1881, Gazet ‘Le Phare de la Tour de Sion’ wayikasikesh kal in kumutang chakwel alejan rusangu ruwamp. Uprofet wa 4: Kusambish mu muvu wa 1914, chirung cha kwangul. Tidiku amwauril kal ni yinfananfan. Uprofet wa 5: Kusambish mu muvu wa 1917, want ufanikeshinau nich yidjatil ya utad ujal ni kam wamekan kal. Kurumburil kukwau: Yinship yasadika pa mangand kusambish mu muvu wa 1914 kushik mu muvu wa 1918, Njit ja Kusambish ja pa Mangand Mawonsu. Yinship yikala ni yibudikin yiyimp padiau atushalapol a Yehova: Kusambish mu muvu wa 1914 kushik mu muvu wa 1918, in Kwilej a Bibil mu Grande-Bretangne ni mu Alemany ayitek kal mu rukan. Mu muvu wa 1918, akadivar atakedila mu États-Unis ayitek kal mu rukan.
    Uprofet wa 1.

    Mufund Kuj. 11:7; 12:13, 17; 13:1-8, 12

    Uprofet “Nnam wa chidiany” wayikedil kal antu pa divu mu tunan tuvud twa mivu. Mutu wend wa sambwad autap kal mu chirung cha kwinsudiel. Kupwa mutu winou wayerik kal ni “antu a mangand mawonsu” akat kumulondul nnam winou. Satan ukat kumusadin nnam winou mulong wa ‘kuyirishikish atushal.’

    Kuwanyin Kupwa kwa Mabeb, maguvernema ma antu mamubwambwidina Yehova masambisha kuyikel. Kupwa kwa yitot yivud ya mivu, umwing wa maguvernema minam ma usu watazukau anch Grande-Bretagne washadisha usu wend pa chisu cha Njit ja Kusambish ja pa Mangand Mawonsu. Wikala kand ni usu chisu chabombakanay kal ni États-Unis. Pakampwil mu machuku ma kwinsudiel, Satan usadidin maguvernema mawonsu ma pa divu mulong wa kuyizengol atushalapol a Nzamb.

  • Uprofet wa 2.

    Mufund Dan. 11:25-45

    Uprofet Kupwitamijan pakach pa mwant wa kwiyand ni mwant wa kurul mu machuku ma kwinsudiel.

    Kuwanyin Alemany wapwitamijana ni dikand dia Angleter ni Amerik. Mu muvu wa 1945 Union Soviétique ni mant mading mamunungina chikas ikala mwant wa kwiyand. Mu muvu wa 1991, Union Soviétique wawa, ni kupwa Risi ni mant mamunungina chikas ikadil mwant wa kwiyand.

  • Uprofet wa 3.

    Mifund Isay 61:1; Mal. 3:1; Luka 4:18

    Uprofet Yehova wamutuma “muruu” wend mulong wa ‘kutokish njil’ kurutu Want wa Umesia usambish. Muruu winou wasambisha ‘kurumburil rusangu ruwamp kudi antu in kwikepish.’

    Kuwanyin Kusambish mu muvu wa 1870, C. T. Russell ni arund nend asambisha kwilej Bibil mulong wa kujingunin yom yifundishinay chakin kamu Bibil. Mu muvu wa 1881, asambisha kuyikasikesh atushalapol a Nzamb chakwel asal mudimu wa kulejan. Apalangesha mitu ya milong mudi “Recherchons 1 000 prédicateurs” ni “Oints pour prêcher.”

  • Uprofet wa 4.

    Mufund Mat. 13:24-30, 36-43

    Uprofet Mukankuny wakus kal yinfananfan mu chir cha tidiku, yinfananfan yiney ayilik kal yipama ni yijindjik tidiku djat ni pa chirung cha kwangul; kupwa tidiku amwauril kal ni yinfananfan.

    Kuwanyin Kusambish mu muvu wa 1870, in Kristu akin asambisha kuyauril nau in Kristu a makasu. Pa chirung cha machuku ma kwinsudiel, in Kristu akin akat kuyikumangej pamwing ni kuyauril nau in Kristu a makasu.

  • Uprofet wa 5.

    Mufund Dan. 2:31-33, 41-43

    Uprofet Yidjatil ya utad ujal wa kubomb ni kam ya chirumbidij chisadinau nich utad kushalijan.

    Kuwanyin Kam ufanikeshin antu awonsu adia mwinshin mwa winyikel wa Dikand Dia pa Mangand Mawonsu Dia Angleter ni Amerik abwambwidina ku dikand dined. Mulong wa antu inay, dikand dined utwishinap kusadin usu wau wawonsu ufanikena ni utad ujal.

  • Tablo wa 2 pakach pa matablo 4, ulejena kulondulijan kwa uprofet mu machuku ma kwinsudiel kusambish piswimp mu muvu wa 1919 kushik mu muvu wa 1945. Alemany wijikan kal kwikal mwant wa kwiyand djat kamu mu muvu wa 1945. Dikand Dia pa Mangand Mawonsu Dia Angleter ni Amerik dijikan kal kwikal mwant wa kurul. Uprofet wa 6: Mu muvu wa 1919, in Kristu azizidilau many ayikumangejin kal mu chikumangen chishitwila. Kusambish mu muvu wa 1919, kutandurik ni kudandamen kwa mudimu wa kulejan. Uprofet wa 7: Mu muvu wa 1920, Société des Nations wasambish kal djat kamu kwinsambishil kwa Njit ja Kaad ja pa Mangand Mawonsu. Kurumburil kukwau: Uprofet wa 1, nnam wa chidiany wa mitu sambwad udandamedin. Uprofet wa 5, want ufanikeshinau nich yidjatil ya utad ujal ni kam udandamedin. Yinship yasadika mu mangand kusambish mu muvu wa 1939 kushik mu muvu wa 1945, Njit ja Kaad ja pa Mangand Mawonsu. Yinship yikala ni yibudikin yiyimp padiau atushalapol a Yehova: Kusambish mu muvu wa 1933 kushik mu muvu wa 1945, Atuman 11 000 ni kusut ayitek kal mu rukan mwi ngand ya Alemany. Kusambish mu muvu wa 1939 kushik mu muvu wa 1945, piswimp Atuman 1 600 ayitek kal mu rukan mu Grande-Bretagne. Kusambish mu muvu wa 1940 kushik mu muvu wa 1944, Atuman ayirishikish kal kudi yisak ya antu tupamp piswimp 2 500.
    Uprofet wa 6.

    Mufund Mat. 13:30; 24:14, 45; 28:19, 20

    Uprofet “Tidiku” amukumangejin kal “mwi nkil” ni ‘kashalapol ushinshamena ni kubabal’ amutond kal mulong wa kutakel “atushalapol akwau.” Mudimu wa kulejan “rusangu ruwamp ra Want” wasambish kal kusadik pa “mangand mawonsu.”

    Kuwanyin Mu muvu wa 1919 amutonda kashalapol ushinshamena mulong wa kuyitakel atushalapol a Nzamb. Kusambish kamu pa chisu chinicha, in Kwilej a Bibil asambisha kulejan nich mushiku nakash. Nlel, Atuman a Yehova akat kulejan mu jingand 200 ni kusut ni akat kubudish mikand yimedina pa Bibil mu mazu 1000 ni kusut.

  • Uprofet wa 7.

    Mifund Dan. 12:11; Kuj. 13:11, 14, 15

    Uprofet Nnam wa chidiany ukweta miseng yaad uyilejin antu chakwel asal ‘chirumbidij mulong wa nnam wa chidiany’ ni ukat kutek “mwiku wa mwom mu chirumbidij.”

    Kuwanyin Dikand Dia pa Mangand Mawonsu Dia Angleter ni Amerik wayileja antu chakwel asal Société des Nations. Mant makwau masambisha kukwash ditenchik dined. Kudiokal mu muvu wa 1926 kushik mu muvu wa 1933, mwant wa kwiyand niyend wading mu ditenchik dia Société des Nations. Antu itiyija anch Société des Nations ukulet chisambu pa mangand mudi mwitiyijinau kand nlel piur pa Organisation des Nations unies (ONU), chom chikutwishau kusal ching kudi Want wa Nzamb.

  • Tablo wa 3 pakach pa matablo 4, ulejena kulondulijan kwa uprofet mu machuku ma kwinsudiel kusambish piswimp mu muvu wa 1945 kushik mu muvu wa 1991. Union Soviétique ni jingand jimunungina chikas ikala mwant wa kwiyand djat kamu mu muvu wa 1991, ni kupwa kwendendiy, Risi ni jingand jimunungina chikas awiy ikala kal mwant wa kwiyand. Dikand Dia pa Mangand Mawonsu Dia Angleter ni Amerik dijikan kal kwikal mwant wa kurul. Uprofet wa 8: Didj dia mish ya bomb atomik, dimekeshina kushechik kujim kwaletishau kal kudi Dikand Dia pa Mangand Mawonsu Dia Angleter ni Amerik. Uprofet wa 9: Organisation des Nations unies wasambish kal mu muvu wa 1945, waswinkan kal pa ndond ya Société des Nations. Kurumburil kukwau: Uprofet wa 1, nnam wa chidiany wa mitu sambwad udandamedin. Uprofet wa 5, want ufanikeshinau nich yidjatil ya utad ujal ni kam udandamedin. Uprofet wa 6, mu muvu wa 1945, kwading in kulejan 156 000 ni kusut. Mu muvu wa 1991, kwading in kulejan 4 278 000 ni kusut. Yinship yikala ni yibudikin yiyimp padiau atushalapol a Yehova: Kusambish mu muvu wa 1945 kushik mu muvu wa 1951, mu Union Soviétique, tunan twa Atuman ayibukish kal ku usu, kuyitwal mu Siberi.
    Uprofet wa 8.

    Mufund Dan. 8:23, 24

    Uprofet Mwant umekena kwikal wa chisum nakash “ukez kashesh yom yivud.”

    Kuwanyin Dikand Dia pa Mangand Mawonsu Dia Angleter ni Amerik wajipin kal antu avud ni kushesh yom yivud nakash. Chilakej, pa chisu cha Njit ja Kaad ja pa Mangand Mawonsu, États-Unis wajipa antu avud nakash kusutamu pakur chisu chadjibulay mabomb atomik maad mwi ngand ya akankuny a Grande Bretagne ni États-Unis.

  • Uprofet wa 9.

    Mifund Dan. 11:31; Kuj. 17:3, 7-11

    Uprofet Nnam “usuz” ubudikin mu dibuku diakad musul ni udi mwant wa chinan. Miseng yend dikum yikat kumushesh “mband wa kusochik,” ni kupwa nnam mwawonsu wa kabuj washeshik kal. Mu buku wa Daniel, amwisambidin mwant winou mudi ‘chom chitakanena chiletina kusheshik.’

    Kuwanyin Société des Nations wawa pa chisu cha Njit ja Kaad ja pa Mangand Mawonsu. Kupwa kwa njit, ‘amuteka’ ONU. Mudi mutapu yading piur pa Société des Nations, antu akat kumwinkish ONU ntumb kusutil kwitiyij anch ukulet chisambu pa mangand, chom chikutwishau kusal ching kudi Want wa Nzamb. ONU ukurishikish relijon.

  • CTablo wa 4 pakach pa matablo 4, ulejena kulondulijan kwa uprofet mu machuku ma kwinsudiel ni ulejen yom yisadikina chirung chetu djat kamu kwi njit ja Harmagedon. Risi ni jingand jimunungina chikas ikal kal mwant wa kwiyand. Dikand Dia pa Mangand Mawonsu Dia Angleter ni Amerik dijikan kal kwikal mwant wa kurul. Uprofet wa 10: Antakel a mangand ijikish kal ‘chisambu ni diking.’ Kupwa mar makash masambish kal. Uprofet wa 11: Maguvernema mashesh kal yitenchik ya relijon wa makasu. Uprofet wa 12: Maguvernema ma mangand mayirishikish kal atushalapol a Nzamb. Atushal a azizidilau many ayikumangejin kal mwiur. Uprofet wa 13: Harmagedon. Ushicha pa kabar mutok wawanyish kal kuwin kwend. Nnam wa chidiany wa mitu sambwad amushesh kal; Chirumbidij mujim amupuchodin kal ku yidjatil ya utad ujal ni kam. Kurumburil kukwau: Uprofet wa 1, nnam wa chidiany ukweta mitu sambwad udandamedin djat kamu kwi njit ja Harmagedon. Uprofet wa 5, want ufanikeshinau nich yidjatil ya utad ujal ni kam, udandamedin djat kamu kwi njit ja Harmagedon. Uprofet wa 6, nlel kudi in kulejan 8 580 000 ni kusut. Yinship yikadina ni yibudikin yiyimp padiau atushalapol a Yehova: Mu muvu wa 2017, anyikel a mu Risi ayitek kal Atuman mu rukan ni atambul kal yikumbu yawonsu ya mutiy.
    Uprofet wa 10 ni 11.

    Mifund 1 Tes. 5:3; Kuj. 17:16

    Uprofet Maguvernema makat kwijikish ‘chisambu ni diking,’ kupwa “misengu dikum” ni “nnam wa chidiany” akat kumurishikish “mband wa kusochik.” Kupwa kwa yom yiney, maguvernema amashesh kal.

    Kuwanyin Maguvernema makwibaz anch malet kal chisambu ni diking pa mangand. Kupwa maguvernema madia mu ONU makushesh yitenchik yawonsu ya relijon wa makasu. Yiney yikwikal nsambishil ya mar makash. Mar minam makupwa chisu chikusheshay Yesu mangand mawonsu ma Satan kwi njit ja Harmagedon.

  • Uprofet wa 12.

    Mifund Ezek. 38:11, 14-17; Mat. 24:31

    Uprofet Gog wandam kal mwi ngand ya atushalapol a Nzamb. Kupwa angel akumangej kal “antu atonday Nzamb.”

    Kuwanyin Mwant wa kwiyand ni maguvernema makwau ma mangand akuyirishikish atushalapol a Nzamb. Chisu chikemp kupwa kwa kurishikish kwinoku kusambish, atushal a azizidilau many akuyikumangejin mwiur.

  • Uprofet wa 13.

    Mifund Ezek. 38:18-23; Dan. 2:34, 35, 44, 45; Kuj. 6:2; 16:14, 16; 17:14; 19:20

    Uprofet “Mwin kukandam” pa “kabar mutok” ukuwanyish ‘kuwin kwend’ kusutil kumushesh Gog ni amasalay end. “Nnam wa chidiany” ‘amudjibula mu dijiy dia kasu,’ ni diyal diamupuchola chirumbidij mujim.

    Kuwanyin Yesu Mwant wa Want wa Nzamb, ukuyipandish atushalapol a Nzamb. Yesu pamwing nau ambay nend 144000 ni amasalay a mwiur, akushesh maguvernema mawonsu mayirishikishina atushalapol a Nzamb, ukujiyish mangand mawonsu ma Satan.

    Mikand ya Uruund (1999-2025)
    Budik
    Andam
    • Uruund
    • Kwangan
    • Yom ukatina
    • Copyright © 2025 Watch Tower Bible and Tract Society of Pennsylvania
    • Mbil ja Kusadin
    • Mbil ja Ujindj
    • Paramètres de confidentialité
    • JW.ORG
    • Andam
    Kwangan