Sadin Nawamp Mareferans Ma mu Marj

Mareferans ma mu marj mada mu Bibil​—Dikarumun da Ngand Yisu mu Franse mamekeshin anch yikunku kushalijan ya Bibil yikwatijadin kusutin kutek list wa maverse makwau misambidina mutu wa mulong wawiy umwing ni mawejidinaku nsang jikwau jivud. Mareferans ma mu marj amamekeshining nich ka dimuny kakemp katekiningau ku dizu. Anch usadidin Bibil wa dipaper, ukutwish kutal ka dimuny kinak mukach mwa minfund mulong wa kujingunin maverse makwau misambidina mutu wa mulong umwing winou. Pa jw.org ap mu application JW Library^®, shat pa ka dimuny kada ku dizu mulong wa kuman mikand yikwau yipaninau mud mareferans.

Mareferans ma mu marj makutwish kukutwal kwi ndond mud:

Nsang jimwing: Referans ulejen ndond yikwau yisambidinau rusang rawiy rumwing. Chilakej, tal 2 Samwel 24:1 ni 1 Jinsangu 21:1.

Mazu mada mu ankwat: Referans umekeshin kwi ndond kudoshinau mazu. Chilakej, tal Mateu 4:4 ni Kuvurik Yijil 8:3.

Uprofet wawanyina kal: Referans ukututwal ku verse ulejena uprofet ni mutapu wawanyina. Chilakej, tal Mateu 21:5 ni Zakariy 9:9.