Antu Amiliyon 6 Afil ku Covid—Bibil Ulondinap ik?

Kukwatijan ni Organisation Mondiale de la Santé (OMS), kushik machuku ma ngond 23, Ngond wa 5, 2022, antu amiliyon 6 ni kusut afil ku Covid-19. Pakwez mwi nsangu japalangeshinau machuku ma ngond 5 Ngond wa 5, 2022, OMS walejen anch chimeken anch uvud wa antu afila wad piur nakash. Walondin anch mu muvu wa 2020 ni 2021, “uvud wa antu awonsu afila ku chipupu cha Covid-19 ap adia ni mayej makwau pakwez Covid wayisend . . . wad wa antu piswimp amiliyon 14 ni kusut.” Bibil ulondinap ik piur pa yishiken ya ushon mud yiney?

Bibil wasambela kulejan anch kukwikal yipupu yikash

• Yesu wasambela kulejan anch kukwikal yipupu ap “mayej makash,” mu chirung chitazukinau anch “machuku ma kwisudiel.”​—Luka 21:11, Contemporary English Version; 2 Timote 3:1.

Uprofet wa Yesu uwanyidin nlel. Mulong wa kujingunin yom yivud tang mutu wa mulong “Quel est le signe des « derniers jours », ou « temps de la fin » ?”

Bibil upanin rongwoj

• “Nzamb ukata kupan kwongoj kwawonsu . . . Ndiy ukata kutwongoj mu mar metu mawonsu.”​—2 Korint 1:3, 4.

Antu avud afishina akatish nau atanin rongwoj mu yom yilondinay Bibil. Jingunin yom yivud mu mitu ya milong “Comment revivre : ce que vous pouvez faire” ni “Une aide incomparable.”

Bibil ulejen chom chikupwisha rawonsu milong yiney

• “Want wey weza. Rusot rey arusala pansh mudi mwiur.”​—Mateu 6:10.

Piswimp ap “Want wa Nzamb” ukusal chakwel anch “kwikil muntu ap kusu umwing . . . ukeza kinan kand mulong wa kuyel.” (Marko 1:14, 15; Isay 33:24) Tal video Want wa Nzamb Chom Ik? mulong wa kwijik chirumburikina guvernema winou wa mwiur ni yom yikusalay.

Tukukasikeshin kwilej nakash yom yilondinay Bibil chakwel yiyul yend ya manangu ni kushilamu kwend kupandakena kuwap yikukwash ey ni dijuku diey.