Kulozan ku Mashikol—Bibil Ulondinap ik?

Machuku ma ngond 24 Ngond wa 5, 2022, mu kamusumb ka Uvalde, kadia mu Texas, ku États-Unis mwasadikin yom yiyimp nakash. Kukwatijan ni jurnal The New York Times, “ikundj umwing wadia ni wut wajipin an 19 ni alej aad . . . ku shikol ya primer ya Robb.”

Cha ushon, yom yiyimp nakash mud yiney yikat kushiken chisu ni chisu. Jurnal USA Today walondin anch mu États-Unis kusu kwau, “muvu wapwang ou alozen ku mashikol tupamp 249, charumburik anch yapandakenamu mivu yikwau yawonsu kudiokal mu 1970.”

Mulong wak kukat kushiken yom yiyimp mud yiney? Mutapu ik tukutwisha kurish ni yisal ya chisum mud yiney? Ov, chisum chikez kapwa dichuku dimwing? Bibil wakwil ku yipul yiney.

Mulong wak chisum chiyil mu kupandakan pa mangand mwamu?

• Bibil utazukin chirung chetu anch “machuku ma kwisudiel,” mukwikalau antu avud ‘akad rukat’ ni “in chisum,” charumburik anch akusal yom yiyimp nakash ni ya chisum. Antu inay akez “kaya kurutu nakash mu kuyip.” (2 Timote 3:1-5, 13) Mulong wa kwilej yom yivud, tang mutu wa mulong “ La Bible a-t-elle prédit la mentalité et la conduite des gens de notre époque ? ”

Antu avud akat kwiyipul anch, ‘Mulong wak Nzamb kakatap kukangesh yom yiyimp kusadik, mud kulozan ku mashikol?’ Mulong wa kutan chakul cha Bibil, tang mutu wa mulong “Yom Yiyimp Yikat Kuyishikenang Antu wamp—Ov, Mulong wak?”

Mutapu ik tukutwisha kurish ni yom yiyimp mud yiney?

• “Yom yawonsu yafundau pakur mu Mukand wa Nzamb ayifunda mulong wa kutulejan etu. . . . Chakwel tukujamish ni kukasikesh mulong wa ruchingej.”—Rom 15:4.

Mbil ja Bibil jikutwish kukukwash kurish ni yom ya chisum yisadikina mu mangand minam. Tal Réveillez-vous ! ulondina anch “ La violence cessera-t-elle un jour ? ” anch usotin kwijik yom yivud.

Ukutwish kutan yiyul piur pa mutapu ukutwishau anvaj kuyikwash anau kurish ni jinsangu jikwatishena wom, mu mutu wa mulong “ Enfants et actualités troublantes. ”

Ov, chisum chikez kapwa?

• “Ukat kuyikwol ku kuzengol ni ku chisum.”—Kuseng 72:14.

• “Antu akez kachil jimpak jau ja misamun jikal jinkasu, ni mirumbu yau yikal jimpak ja kukatul nich yakwangul. Kwikil muchid ukeza kapuril mpak ya musamun kurish ni muchid ukwau. Kakez kilejap kand kurish njit.”—Mike 4:3.

Nzamb ukusal yom yikangenyau antu kusal. Want wend wa mwiur ukujiyish mat mawonsu ni kupwish chisum chawonsu. Mulong wa kwijik yom yivud piur pa yom yikusala Want wa Nzamb, tang mutu wa mulong “ Sous le royaume de Dieu, « la paix abondera ».”