“Katumb Kawamp ka Want Akez Kukalejan”!
1. Ov, mutapu ik twija anch kwikil chom ap chimwing chikutwisha kukangesh mudimu wa kulejan?
1 Pakad ntaad, kwikil chom ap chimwing chikutwisha kukangesh Yehova chakwel awanyish rusot rend. (Isa. 14:24) Ap anch nzuj Gideon ni amakundj end 300 arisha ni chisak cha amasalay in Madian 135 000, Yehova wamuleja anch: “‘Yang nich ulabu wey winou ukweta chakwel uyikamunin in Isarel mu chikas cha in Madian. Ov, kiyamap nikutumina?’” (Ank. 6:14) Ov, mudimu ik ukasikeshinay Yehova nlel unou? Yesu walonda anch: “Katumb kawamp ka want akez kukalejan ku mangand mawonsu.” (Mat. 24:14) Kwikil muntu ap umwing ukutwisha kukangesh mudimu winou ufanyidinau kuwanyish.
2. Mulong wak tukutwish kuchingejin kudiay Yehova chakwel atukwasha pakampwil mu mudimu wa kulejan?
2 Yehova Utukwashining Pakampwil: Mulong wak tukutwisha kwikal nich ruchingej anch Yehova ukez kusal chakwel Atuman end apandakana mudi chisak ni tukutwish kuchingel kudiay Yehova chakwel atukwasha pakampwil? Pa chisu cha maswir, kambuy Paul watana pakampwil ukwash wa Yehova kusutil kudiay Mwanend Yesu. (2 Tim. 4:17) Tufanyidin kwikal nich ruchingej anch mu mutapu umwing Yehova ukez kuyukish mausu metu ma pakampwil chakwel tuwanyish rusot rend.—1 Yoh. 5:14.
3. Mu ngikadil ik mukutwishay Yehova kutukwash?
3 Ov, ukat kulam pichiku pichuku mu mwom wey usu ukemp mulong wa mudimu wa kulejan? “Ndiy ukat kupan usu kudi uziyina.” (Isay 40:29-31) Ov, urishining nich kuzengol ap rupompat? “Tek chisend chey kudi Nzamb, Ndiy ukukutuliku.” (Kus. 55:22) Ov, ni yey uswiridining ruchingej yisu yikwau? “Yang, am nikez kwikal ku kan kwey.” (Kub. 4:11, 12) Ov, ukwet yikokujol ya ukash wa mujimbu yikukangeshina kusal mudimu wa kulejan? Yehova umening usey wey ni ukutwish kusadil mausu mey ni muchim umwing, ap anch madi makemp.—1 Kor. 3:6, 9.
4. Ov, mutapu ik tukutwisha kwikal ni ruchingej mu mutapu utukatinay Yehova?
4 Chikas cha Yehova “chid kal piur, kwikil umwing ukutwisha kumukangesh.” (Isay 14:27) Kwikal ni ruchingej ra chiyukish cha Yehova piur pa mudimu wetu wa kulejan, kukutwish kudandamen chakwel tulejan rusangu ra Yehova “patok wakad wom.”—Mid. 14:3.