Yisadilany Kupandakan Kuyilam

Yikumangen yivud yikwet uvud kusut wa mikand yimwing yikur. Ov, mulong wak utambwilanyap makopi mulong wa bibiliyotek wen wa pakampwil wa uteokras? Mwawiy, anch chitwishikin ukutambulany mitu ya milong ya yom kanang ya mikand yiney yikur mu Watchtower Library. Pakwez, chidi cha usey kwikal kand nich makopi ma mabuku ma katat. Ov, ukat kwilej ni mwin kwilej wa Bibil uyila kurutu? Kupwa mukasikesha chakwel atambul mikand yiney yikur ni asambish kujimbish bibiliyotek wend wa pakampwil. Kalam wa Shikol ya Mudimu wa Uteokras ufanyidin kutal nawamp anch bibiliyotek wa Chot cha Want ukwet stok wa mikand yikur ya chikumangen. Mikand yiney yichidi kamu ni usey. Ov, musangar uvud mudi ik wa kuyisadil mikand yiney pa ndond pa chikumangen kuyilam machuku mavud mu depo!