Tukudishany Ukaliweny Wetu mu Mudimu wa Kulejan—mu Kutakel Dilejan dia Bibil Kusutil ku Kusadil Buku Chifundishinay Bibil

Chidia cha Usey: Antu avud kateshiningap yitusotina kulond anch twayilej anch tukutwish kuyifundish Bibil ku chikumbu pakad kufut. Akutwish kutong anch afanyidin kwinung ku chisak kampand ap kwilej malejan kanang. Mulong wa kumekesh anch chiswapel kwilej Bibil, mekeshay mutapu wa kwilej. Ap ku chis, ukutwish kumulej muntu mu wiswimp mutapu chiswapela ni chidi cha usey kwilej Bibil.

Mutapu wa Kusal:

Kupwa kwa kumulej mwin chikumbu dijin diey, mwipula chitonginay piur pa machuku ma kurutu.
Muleja anch antu avud atongining chilik chimwing, ni muleja kand yom yidia mu buku Chifundishinay Bibil. Rumburil anch buku winou ukwet malejan maswapela kutesh malejena yom yilejenay Bibil piur pa machuku ma kurutu ni mitu ya milong yikwau kupwa mwipula shapitre wisu umusangareshina.
Mwinkisha buku winou ni muleja kapamp kamwing shapitre ukutonday. Murumburila anch yipul yidia kwisambishil kwa shapitre akuyakul mu mapagraf makulondulaku.
Mwipula mwin chikumbu chakwel atanga paragraf wa nsambishil anch ukusanger kutang amwinend. Kupwa kwa kutang chipul cha paragraf umwing shinshikinany pamwing chakul. Tangany ni isambinany maverse majimbwilau mu paragraf mulong wa kukasikesh chakul. Muleja mutapu watanina ni kutek kashony pa chakul mu buku wey.
Shinshikin paragraf mukwau, pakwez, pa chisu chinech mwipula mwin chikumbu chakwel akula mu mazu mend pakad kutang.
Mujikitisha, ni irijeka chakwel umuchirikina mulong wa kupwish kamu dilejan diashalaku.
Anch chitwishikin, pwitin manangu mend pa video udia pa jw.org ukweta mutu wa mulong Ov, Mutapu Ik Ukata Dilejan dia Bibil Kusadik?

Pakish Kusal Mwamu pa Ngond:

Mulembila Yehova chakwel ayukisha usu wey chakwel utakela dilejan dia Bibil disu.—Fil. 2:13.
Pakish kutakel dilejan dia Bibil kusutil ku kusadil buku Chifundishinay, ap ku kumekesh video Ov, Mutapu Ik Ukata Dilejan dia Bibil Kusadik? kapamp ka kusambish kwipan mu mudimu wa kulejan.