Yifumba Chakwel Adandamena Kumusadin Yehova

Yom yamanau yimekeshin anch in kulejan asu afumbinau mulong wa kusambish kusal mudimu nich mushiku, yisu yivud niyau akat kwikal in kulejan a mushiku. (Jnsw 22:6; Fl 3:16) Yiney yawiy yiyul yilejena mutapu ukutwisha kuyikwash in kwilej chakwel akudisha mutapu uwamp wa kusambish kusal mudimu wa kulejan:

• Anch mwin kwilej wey amwitiy anch ikala mwin kulejan, sambish kamu kumufumb. (km 8/15 paj 1) Muleja usey wa kusal mudimu wa kulejan chakwel wikala mu chaku chend cha pa rubing. (Fl 1:10) Ikal ni yitongijok yiwamp piumurumburidina piur pa teritwar. (Fl 4:8) Mukasikesha asala mudimu pamwing ni ntakel wa chisak cha mudimu wa kulejan, nau in kulejan akwau chakwel ataninamu mu ukaliweny wau.—Jnsw 1:5; km 10/12 paj 6 par. 3

  

• Kupwa kwa kumubatish mwin kwilej wey, dandamen kumukasikesh ni kumufumb mu mudimu wa kulejan, pakampwil anch kand kal apwisha kwilej buku “Rukat ra Nzamb”. —km 12/13 paj 7

  

• Sadin yakumenaku ya chilakej chisu usadina pamwing ni mwin kulejan uchidia kal musu. Kupwa kwa kutesh mutapu ukusalay chakumenaku chend, mujikitisha nakash. Mwinka yiyul yikutwisha kumukwash chakwel ikala ni mushiku nakash. —km 5/10 paj 7