Kuyak Angendj Etu

Mwi ngond wa 3, machuku ma ngond 23, mamiliyon ma antu 12 ap angendj uvud ayichingejin kukumangan ku Chivurikish mudi angendj etu. Akutambul uman uwamp mudi ik pakumuteshau mwin kulond pa kusalay diskur dimedina piur pa chipan cha difut ni pa yiyukish yikwau ya mu machuku ma kurutu yiyichengedina antu awonsu! (Is 11:6-9; 35:5, 6; 65:21-23; Yh 3:16) Pakwez, mwin kusal diskur kindiyap amwinend ukupana uman ku musambu winou wa pakampwil. Etwawonsu tufanyidin kuyak angendj etu nich musangar. (Ro 15:7) Yiyul yakusadin yawiy ey.

• Pa ndond pa kushakam pa nkwas yey kushik ni pakusambishina program, iyaka angendj ni antu aziyina kal nich musangar ni kuyilangwish nich chirungul

• Piutadina nich kushinshik antu wija watazuka, yitala kand antu akwau ezang mulong wa kampany wasadinanya mulong wa kuyitazuk. Yileja antu asu ashakama ney. Tang nau mu Bibil wey ni kuwang nau pamwing mu buku wey wa miminy

• Kupwa kwa diskur, imekesha patok mulong wa kwakul ku yipul yikwipulau. Anch waman anch chisu chidi chikemp mulong chikumangen chen chifanyidin kubudik mu chot mulong wa kushil chikumangen chikwau ndond, irijeka chakwel uya umutala muntu winou pakad kulab. Anch umwijap ap ukwetap adres wend, ukutwish kumwipul anch: “Nikimbin kukutesh yawatonga kal ku program winou. Ov, kudi mutapu nikutwisha kukuman?”