MWBR18.04 Marefence mulong wa Mudimu ni Mashakamin ma in Krisru Mukand wa Chikumangan
NGOND WA 4 RUBING RA 2-8
YOM YA USEY YIDIA MU DIZU DIA NZAMB | MATEU 26
“Mutapu Ufanikena ni Ushalijadina Pasak ni Chivurikish”
nwtsty yom yikwau
Yakudia ya Pasak
Yakudia ya pakampwil yadangangau pa chisu cha Pasak yawiy ey: Mwan a mukoku wa kwosh (kwikil difut ap dimwing dia nnam dabukunangau) (1); mukat wakad chivish (2); ni mayij ma karidish (3). (Kub 12:5, 8; Kuch 9:11) Mayij minam mayivurishang pamwing ap in Isarel padingau mu usuk mu Idjibit. Yesu wasadina mukat wakad chivish mulong wa kufanikesh nich mujimbu wend uwanyidina. (Mt 26:26) Kambuy Paul wamutazuka Yesu anch “mwan a mukoku wetu wa [Pasak].” (1Ko 5:7, TMK) Mu mivu chitot yakusambish, maar ma nviny (4) amasadinang ku musambu wa Pasak. Yesu wasadina ni ndiy maar ma nviny mulong wa kufanakesh nich mash mend mafanyina kwichik mud chakupesh.—Mt 26:27, 28.
nwtsty yom ya kwilej yidia mu Mt 26:26
difanakeshin: Dizu dia Grek éstin (mu kulond kwa patok dirumburik “did”) pinap dizu dined dirumburikin “did; difanaken; dimekeshin.” Kurumburik kwinoku kwamekana kudi atwimbuy mulong pa chisu chinicha mujimbu wa Yesu uwanyidina wading kurutu kwa atwimbuy end ni pa chisu chinicha ading achingedin kudia mukat wakad chivish. Chawiy komb, mukat winou wadingap mujimbu wa Yesu pakwez wading umekeshin mujimbu wa Yesu. Chisangareshin kwijik kand anch dizu dined dia Grek adisadidin mu Mt 12:7, ni mu ma Bibil mavud adikarumwin anch “difanikeshin.”
nwtsty yom ya kwilej yidia mu Mt 26:28
mash ma manswik: Yehova waswika manswik masu ni in Kristu azizidilau many kusutin ku chakupesh cha Yesu. (Heb 8:10) Pinap Yesu usadidin niyend dizu diasadinay Moses padingay mwin kusankesh antu ni Nzamb ni ndiy wasadina kapamp ka kusambish manswik ma Chijil pamwing nau Isarel ku Mukandu wa Sinai. (Kub 24:8; Heb 9:19-21) Mudi mwadinga mash ma amakwal a angomb ni amakwal a ampemb kusal anch kwikala manswik ma Chijil pakach pa Nzamb ni muchid wa Isarel, mash ma Yesu mawiy masala anch kwikal manswik masu pakach pa Yehova ni Isarel wa mu spiritu. Manswik minam masadika pa Pantekot wa muvu wa 33 C.C.—Heb 9:14, 15.
Kukimbijol Mapit ma mu Spiritu
nwtsty yom ya kwilej yidia mu Mt 26:17
Pa dichuku dia kusambish dia Musambu wa Mabot Makad Chivish: Musambu wa Mabot Makad Chivish wasambisha pa Ngond wa Nisan 15, kupwa kwa dichuku dia Pasak (Ngond wa Nisan 14), ni wasalang machuku sambwad. (Tal sgd chikunku cha 19) Pakwez mu chisu cha Yesu, Pasak wikala musambu umwing walimishau nakash, chawiy chausalangau mu machuku chinan, kuwejinaku Dichuku dia Nisan 14 ni yisu yimwing musambu winou awutazukang anch “Musambu wa Mabot Makad Chivish.” (Lk 22:1) Kukwatijan ni yom yiney, mazu “Pa dichuku dia kusambish” akutwish kumakarumun anch “dichuku dimwing kurutu.” (Ilikej ni Yohan 1:15, 30, dizu dia Grek diasadinau anch “kusambish” [prôtos] dikala “kurutu” dizu dined dikasikeshin anch, “wadingaku pinading am kand kal [prôtos] nivadika.”) Kukwatijan ni Grek wa kusambish mudi mwadinga chaku cha in Yuda, uman winou umekeshin pamwing ap anch in kwilej a Yesu amwipula pa dichuku dia Nisan 13. Pa dichuku dinida dia ngond wa Nisan 13, in kwilej arijeka Pasak wafanyinau kusal ‘kupwa kwa muten kwandam’ kwisambishin kwa dichuku dia ngond wa Nisan 14.—Mar 14:16, 17.
nwtsty yom ya kwilej yidia mu Mt 26:39
lik rupas riner risuta: Mu Bibil yisu yivud dizu “rupas” adisadididin mulong wa kumekesh rusot ra Nzamb ap “chisend chikwetay” muntu. (Tal yom ya kwilel yidia mu Mt 20:22.) Chimeken patok kamu anch Yesu wading winanin mulong wa rufu rend anch pikil raletish usany ap rasaadish dijin dia Nzamb, yawiy yamubachika Yesu alembila anch lik “rupas” riner risuta kulemp niyamam.
NGOND WA 4 RUBING RA 9-15
YOM YA USEY YIDIA MU DIZU DIA NZAMB | MATEU 27-28
“Yangany Ukayikadishany in Kwilej —Mulong wak, Kwisu, ni Mutapu ik?”
w04-F 1/7 paj 8 par. 4
‘Yangany Ukayikadishany in Kwilej’
4 Yesu amwikisha ulabu wa kuyikel chikungen chend mu muvu wa 1914 utakedil mu Want wa Nzamb. (Kolosay 1:13; Kujingunik 11:15) Padiay mukurump wa angel, ndiy utakedin mamiliyon ma angel adia mwiur. (1 Tesalonik 4:16; 1 Pita 3:22; Kujingunik 19:14-16) Amwikinsha usu kud Tatukwed wa kujiyish “mant mawonsu ni kuyikel kwawosu ni ma usu mawonsu” makata kumbwambbil kwi mbil yitentamina. (1 Korint 15:24-26; Efes 1:20-23) Ulabu wa Yesu ukwetingap mupak. Amutonda kand kwikal ‘mwin kurumburish antu ni afu,’ ni Nzamb wamwinkisha kand chisend cha kuyivumbul afu. (Midimu 10:42; Yohan 5:26-28) Chakin kamu anch amwinkish muntu chisend cha mutapu winou chid chisend cha usey mudi ik. Chawiy komb tufanyidin kulimish ni kuziyin kwa kwikatim kwi mbil ya Yesu ya kuya ni ‘kuyikadish in kwilej.’
nwtsty yom ya kwilej yidia mu Mt 28:19
kuyikadish in kwilej: Dizu dia Grek mathêteuô dikutwish kurumburik “kulejan” nich chitongijok cha kusal antu ikala an a shikol ap in kwilej. (Ilakej mutapu udisadidinau mu Mt 13:52, padikarumwinau anch “kulejan.”) Mazu “kubatish” ni “kulejan” mamekeshin yom yifanyidina kusal mulong wa “kwikadish in kwilej.”
antu a michid yawonsu: Mu kukarumun kwa patok dizu dined dirumburikin “michid yawonsu,” pakwez kukwatijan ni yom yidia mu verse winou dizu dined dimekeshin muntu ni muntu pakampwil a ku michid yawonsu, mulong mu dizu dia Grek “yi” palondinau anch yibatishany dizu dinend dilodidin piur pa antu, kadiap piur pa “muchid,” pakwez wakad kwikal wa muchid wa Grek. Mbil yiney ya kuyikimb “antu a michid yawonsu” yading mbil yisu. Kurutu Yesu asambisha mudimu wend wa kulejan, Bibil wamekesha anch antu a Michid Yikwau ela kwikal muchid wa Isarel anch amusadin Yehova. (1 Ant 8:41-43) Pakwez kukwatijan ni mbil yiney, Yesu wanyinkisha in kwilejend chisend cha kujimbish mudimu wa kulejan kudi antu akwau kadiap ching kusu kudi in Yuda pakwez wayileja kuyikadish in kwilej a pa mangand mawonsu kwikal in Kristu.—Mt 10:1, 5-7; Kuj 7:9; tal yom ya kwilej yidia mu Mt 24:14.
nwtsty yom ya kwilej yidia mu Mt 28:20
yilejany: Dizu dia Grek dikarumwinau anch “yilejany” dikutwish kurumburik kufundish, kurumburil, kumekesh yom patok, nich uman kanang. (Tal yom ya kwilej yidia mu Mt 3:1; 4:23.) Kuyilej kuziyil ku yom yawonsu yalonday Yesu udi mudimu udandamedina, witininga kulejan yom yalejanay, kusadil malejan mend ni kulondul chilakej chend.—Yh 13:17; Ef 4:21; 1Pi 2:21.
Kukimbijol Mapit ma mu Spiritu
nwtsty yom ya kwilej yidia mu Mt 27:51
rido: Diading disun diwamp nakash diadinga mu tempel diaurila ndond Yitumbila Nakash ni ndond Yitumbila. Yishankur ya in Yuda yimekeshin anch rido winou wading wa ametre 18 pakulep, ametre 9 pakujimb ni acentimetre 7,4 wa ndamin. Papuka rido winou mu yikunku yaad, Yehova kamekeshap anch wayijimena akankuny amujipa Mwanend, pakwez kwapuk kwinoku kwamekesha patok anch chikala chiswapela kuya mwiur.—Heb 10:19, 20.
chikumbu cha Nzamb: Dizu dia Grek naos disambidinau pinap dimekeshin tempel watungau mwading ndond Yitumbila ni ndond Yitumbila Nakash.
nwtsty yom ya kwilej yidia mu Mt 28:7
kayilejany in kwilejend anch ndiy wavumbukang kal: Amband inay kadingap in kwilej a kusambish alejau kuvumbuk kwa Yesu, pakwez awiy adinga kand akusambish kuya kuyilejamu in kwilej akwau piur pa divumbuk dia Yesu. (Mt 28:2, 5, 7) Kukwatijan ni chishankur cha in Yuda chakad kukwatijan ni yom yilondinau mu Bibil, amband kafanyinangap kulet uman wa chom kanang ku dirumburish. Chinyim ni chinech, angel a Yehova ayilimisha amband inay payinkishau chisend chinech chisangareshina.
NGOND WA 4 RUBING RA 16-22, 2018
YOM YA USEY YIDIA MU DIZU DIA NZAMB | MARKO 1-2
“Yitil Yey Ayilikishin Kal”
“Yitil Yey Ayilikishin Kal”
Padingay Yesu ukat kufundish chisak cha antu chadinga mu chikumbu, amakundj anying ading amusendin muntu umwing wadinga ni mayej ma kalip pa ulal. Akimba anch Yesu amwoka murund nau. Pakwez, mulong mu chikumbu mwadinga antu avud nakash, “akanganya kumusejish muyej piswimp kudi [Yesu].” (Marko 2:4) Tong bil mutapu waziyau. Chawiy akandama pa nsiny, abuza dipan mulong wa kwandjikinamu ulal pading palelay muyej winou. Amwandjikina muyej wa kalip wading pa ulal pa dipan dined.
Ov, Yesu wajimana pa mulong winou? Bwat! Pakwez, ndiy washimoka nakash mulong wa ritiy rau ni wamuleja muyej winou anch: “Yitil yey ayilikishin kal.” (Mateu 9:2) Ov, nlel unou Yesu ukutwish kand kulikishin yitil? Alej a yijil nau Afaris atongina nakash pa mulong winou ipulijana anch: ‘Ov, mulong wak muntu winou chilondilay mwamu? Ndiy ukat kumusaal Nzamb masaal. Nany ukutwisha kulikishin yitil, ching ndiy umwing Nzamb?’—Marko 2:7.
Pajinguninay Yesu yitongijok yau, ndiy wayipula anch: ‘Ov, mulong wak winlondodinanya mu michim yen mulong wa yom yiney? Ov, chipipela chisu, kumwel muyej wa kalip ou anch, ‘Yitil yey ayilikishin kal,’ ‘Tumbuk, zambul ulal wey uya kwey?’ (Marko 2:8, 9) Mwaning, kukwatijan ni yakupesh yapanay Yesu, komb chadinga chom chimuswapedina Yesu kumulikishin muntu winou yitil yend.
nwtsty yom ya kwilej yidian mu Mar 2:9
Chiswapela chisu: Chikutwish kwikal chiswapela kudi muntu kanang kulond anch amulikishin kal yitil anch kwikil uman umekeshina patok anch muntu winou kakusalap kand chitil. Ap kumwel anch: Tumbuk . . . uya kwey chitin kusal chilay kanang chakwel antu awonsu amana anch Yesu wading ni usu wa kulikishin yitil. Rusangu riner ni yom yidia mu Isay 33:24 yikwatijadin ni mwikadil wetu wa mayej ni wa chitil.
Kukimbijol Mapit ma mu Spiritu
nwtsty yom ya kwilej yidia mu Mar 1:11
dizu diadiokala mwiur: Kinak kawiy kapamp ka kusambish pa tupamp tusatu twisambidinau mu ma Evanjil twambambay Yehova amwinend nau antu.—Tal yom ya kwilej yidia mu Mar 9:7; Yh 12:28.
Ey udi Mwanam: Padiay chitang cha mu spiritu, Yesu udi Mwan a Nzamb. (Yh 3:16) Chisu chavadikay mudi muntu, Yesu wading “mwan a Nzamb” mudi mwadingay Adam muntu uwanyidina. (Lk 1:35; 3:38) Pakwez, chimeken anch Dizu dia Nzamb diasambisha kumumekesh Yesu patok. Kusutil ku dizu dined diadiokala mwiur ni ku spiritu utumbila wamwinkishau, Nzamb wamekesha patok anch Yesu wading Mwanend wa mu spiritu “wavadika kapamp kakwau” nich ruchingej ra kuchirik mwiur ni kumuzizil many kusutin ku spiritu utumbila ni pamutondau kudi Nzamb kwikal Mwant ni Mwin Kupesh Mujim.—Ilakej Yh 3:3-6; 6:51; Lk 1:31-33; Heb 2:17; 5:1, 4-10; 7:1-3.
Am nikat kusangar mulong weyey: Ap “Mu ey nikata kusanger; nikat kukusanger nakash.” Mazu minam amasadina kand mu Mt 12:18, kukwatijan ni mazu mafundinau mu Is 42:1 mazu minam misambindin piur pa Mesia ap Kristu. Pamwinkishau spiritu utumbila ni yom yalonday Nzamb mulong wa Mwanend, yom yiney yamekesha patok anch Yesu wading Mesia washilaum.—Tal yom ya kwilej yidia mu Mt 3:17; 12:18.
nwtsty yom ya kwilej yidia mu Mar 2:28
Mwant wa dichuku dia Sabat: Yesu wasadina dizu dined mulong wendendiy amwinend (Mt 12:8; Lk 6:5), wamekesha anch dichuku dia Sabat diading ditenchik mulong wa kusal rusot ra Tatukwend. (Ilikej ni Yh 5:19; 10:37, 38.) Pa dichuku dia Sabat Yesu wasala yilay yimwing yishimokishina mudi kwok ayej. (Lk 13:10-13; Yh 5:5-9; 9:1-14) Yilay yiney yamekesha yom yikezay kusal mu Want wend, mukwikala kwiswedish mudi pa dichuku dia sabat.—Heb 10:1.
NGOND WA 4 RUBING RA 23-29, 2018
YOM YA USEY YIDIA MU DIZU DIA NZAMB | MARKO 3-4
“Kwokan pa Dichuku dia Sabat”
Yom ik Yitiyijau Kusal pa Dichuku dia Sabat?
Dichuku dikwau dia Sabat, Yesu waya mu sinagog, pamwing ap wading wa mu Galalia. Mwinimwa mwawiy mwatanay muntu umwing wading uyedina kalip ku chikas cha katatuku. (Luka 6:6) Alej a yijil nau Afaris amushinshikina kamu nawamp Yesu. Mulong wak? Awiy amekesha patok yom yading yitonginau pamwipulau anch: ‘Ov, chitiyikin kwokan pa dichuku dia Sabat?’—Mateu 12:10.
Antakel a chirelijon in Yuda ading kutong anch chitiyikin kumwok muntu pa dichuku dia Sabat ching anch mwom wend udi mu ubaj. Chilakej, pa dichuku dia Sabat chadingap chitiyikin kumutek sima muntu wabukukang difup ap kumukas bandaj muntu waturumukang mulong awiy alonda anch mwom wa muntu winou wadingap mu ubaj. Chimeken patok anch alej a yijil nau Afaris kamwipulap Yesu mulong wa kumekesh runeng rau piur pa muntu winou wading uyedina. Pakwez, awiy ading akimbin diyingishin dia kumufish nich Yesu.
Yom Ik Yitiyijau Kusal pa Dichuku dia Sabat?
Pakwez, Yesu wading wij nawamp yitongijok yau yiyimp. Wading wij kand anch antu inay ading ni yitongijok yiyimp nakash yakad kukwatijan ni yom yafundau mu Bibil pa mulong utadina kujip chijil chijidikina kusal mudimu pa dichuku dia Sabat. (Kubudik 20:8-10) Kadiap kapamp ka kusambish kudi Yesu ka kurish nich milong yiney piur pa midimu yend yiwamp. Chawiy, Yesu wasala chom chimwing chela kulet kupwitijan pakach pau pamulejaymuyej ukweta kalip anch: “Tumbuk, sut kurutu.”—Marko 3:3.
nwtsty yom ya kwilej yidia mu Mar 3:5
wova ujim, wova kand ushon: Ching kwend Marko ndiy ulejena mutapu wovay Yesu chisu chashinshikinay kuchinchik kwa michim kwa antakel a chirelijon pa chisu chinicha. (Mt 12:13; Lk 6:10) Pita wading muntu ukweta yovil yikash wafanyina kwov mutapu wovay kamu Yesu.—Tal it-2-F 216.
Kukimbijol Mapit ma mu Spiritu
nwtsty yom ya kwilej yidia mu Mar 3:29
kulond nayimp piur pa spiritu utumbila: Kulond nayimp kukutwish kurumburik kupipej, kusaalan ap kulond yom yiyimp mulong wa Nzamb ni mulong wa yom yitumbila. Mulong spiritu utumbila udi usu wa Nzamb amwinend, kubwambwil kwa kwikatin ku usu winou chidi mudi kumulond Nzamb nayimp ap kumusaal. Mudi mumekeshinau mu Mt 12:24, 28 ni Mar 3:22, antakel in Yuda amana mutapu wasadinay Yesu spiritu wa Nzamb mulong wa kusal nich yilay, awiy alonda anch usu winou wading wa Satan Djabul.
kakez kumulikishinap: Chimeken anch kusal chitil cha kwikatin chiletining yibudikin ya rawonsu, chawiy kwikil usu ukusalay muntu chakwel amulikishin chitil chinech.—Tal yom ya kwilej yilondina anch kulond nayimp piur pa spiritu utumbila yidia mu verse winou, yikwatijadina ni yom ya kwilej yidia mu Mt 12:31.
w14 1/12 paj 14-15 par. 6-8
Ov “Uteshin Kurumburik Kwa Mukand wa Nzamb”?
6 Ov, chom ik tukutwisha kwilejin ku chishimu chinech? Chakusambish, tufanyidin kwijik anch tukutwishap kwijik mutapu ukuyau kurutu antu twilejina nau Bibil. Kwikepish kukutukwash chakwel twipuka kumushindil muntu twilejina nend Bibil chakwel atambula dibatish. Tufanyidin kusal usu wetu wawonsu chakwel tumukwasha muntu, pakwez tufanyidin kwitiy ni kwikepish anch mupak wa kwipan kudi Nzamb umutadin muntu amwinend. Kwipan chidi chom chifanyidina kudiokal mu muchim kwa kwisotil, ubachikinau kudi rukat ra Yehova. Yehova ukat kwitiy kwipan kwetu ching anch tumukatin—Kus. 51:12; 54:6; 110:3.
7 Cha kaad, kutesh kurumburik kwa malejan ma mu chishimu chinech kukutukwash kulik kuziy anch kwinsambishil tumenap yibudikin yiwamp ya mudimu wetu. Tufanyidin kwikal ashimpishina muchim. (Jak. 5:7,8) Ap anch kusong kwa mabuj kumekenap, anch twapan ukwash uwanyidina kudi antu twilejina nau, tukuman anch kulik kuya kurutu kwau kudiap kukangany kwetu kwa kufundish nawamp. Yehova ukusal anch mbut ja uyakin jikula mu muchim wa muntu wikepishina ukweta kuswir kwa kukarumuk. (Mat. 13:23) Chawiy lel tufanyidinap kushinshikin mudimu wetu wa kulejan ching payibudikin yau. Ku mes ma Yehova yidiap ching uvud wa yibudikin ya mudimu wetu yikata kumusangaresh. Pakwez, ukat kushinshikin pa usu tukata kusal mu mudimu wa kulejan.—Tang Luka 10:17-20; 1 Korint 3:8.
8 Cha kasatu, tukutwishap kuman kuswimp kusadikina mu muchim wa muntu. Chilakej, ambay a uruw adinga kwilej ni mishoner umwing, aya kumulej mishoner winou anch adinga sotil kwikal in kulejan akad kal kutambul dibatish. Wayileja anch, ading afanyidin bil kulik kuna ruwand. Chom chishimokishina, amuleja anch adding alika kal kuna ruwand kwading kwasutin kal angond avud. Ov, mulong wak alika kuna ruwand? Mulong ashika ku kwijik anch Yehova wafanyina kuyiman paninau ruwand mu ujindj ni kuyisend anch adi in rubabek. Chawiy lel michim yau yayibachika kukwat mupak ukash—kuna ruwand ap anch mishoner udiap ap kulik kuna rawonsu. Rukat rau rakudishau mulong wa Yehova rayikwasha kukwat mupak uwamp. Akula mu spiritu, ap anch mishoner winou kadingap wij mutapu wadingau kuya kurutu.
NGOND WA 4 RUBING RA 30–NGOND WA 5, 6
YOM YA USEY YIDIA MU DIZU DIA NZAMB | MARKO 5-6
“Yesu Ukwet Usu wa Kuvumbul Akatish Netu Afila Kal”
nwtsty yom ya kwilej yidia mu Mar 5:39
mwan winou kafilap, ulel kwend tul!: Yisu yivud mu Bibil, rufu akat kurifanakesh nich tul. (Kus 13:3; Yh 11:11-14; Mid 7:60; 1Ko 7:39; 15:51; 1Tes 4:13) Yesu waya mulong wa kumuchirish mwan changadim winou wading wafang kal ku mwom, chawiy walonda mwamu mulong wa kumekesh anch antu awonsu afila kal adi mudi antu alela mu tul nakash ni akez kachirik ku mwom. Usu wasadinay Yesu mulong wa kumuchirish nich mwan changadim winou wading wafang kal ku mwom wadiokala kudi Tatukwend, “ndiy kamu . . . ukata kupan mwom kudi afu, ukata kulond kand anch: ‘yom yakad kal kwikalaku, yikalaku katat.’”—Ro 4:17.
Changadim Wachirik Kal Kand ku Mwom!
Mudi mwasalangay Yesu yisu yimwing, anch wayok antu wayilejang anch kangal ayilejamu antu akwau, chawiy wayileja kand anvaj a changadim winou kusal mwamu. Pakwez, anvaj a changadim winou ni antu akwau asangara nakash mulong wa chom chinech ni apalangesha rusangu riner “mwi ngand yiniya yawonsu.” (Mateu 9:26) Ukutwishap kwisambin piur pa yom mud yiney yisangareshina anch wamuman mukatish ney wafila kal pakwez wachirik kal kand ku mwom? Rawiy rusangu ra kaad ra divumbuk diasalay Yesu.
Kukimbijol Mapit ma mu Spiritu
nwtsty yom ya kwilej yidia mu Mar 5:19
ukayilej anamakwey: Chinyim ni yom yayilejangay Yesu antu okangay anch kangal ayilejamu antu akwau (Mar 1:44; 3:12; 7:36), Pakwez pinap Yesu wamuleja ikundj winou chakwel aya ayileja anamakwend yom yasadika. Walonda mwamu pamwing ap mulong muntu winou wafanyina kudiokal mu ul winiwa ni kafanyinap kupan uman winou mulong anch muntu winou walonda kwikil muntu wafanyina kwitiy anch rusangu riner rading rakin.
nwtsty yom ya kwilej yidia mu Mar 6:11
wayikukumwinany rufunfut ra mu yidjatil yen: Chisal chinech chafanyina kuyikwash in kwilej kwijik anch kadingap ni chisend piur pa yibudikin yikudiokala kudi Nzamb. Mazu minam madi kand mu Mt 10:14; Lk 9:5. Marko ni Luka awejidinaku ku dizu dined kwikal uman [ap, “chijingidij cha”] kuyibabesh antu. Paul ni Barnaba asadina mbil jinej ku Antiosh wa Pisidia (Mid 13:51), ni pakimbay Paul kusal chom kanang cha mutapu umwing padingay mu Korint, ndiy wakukumona kabwik wend ni walonda kand anch: ‘Mash men mikala pa mitu yen ayinen, am kinikwetap kwam mulong.’ (Mid 18:6) Chisal chinech ading achij kudi in kwilej, mulong in Yuda a chirelijon ading kuya mu weny mwi ngand yading antu a Michid Mikwau, ading kukumon rufunfut ra yisapat yau kurutu andama mwi ngand ya in Yuda. Pakwez pading kushalijan kwa kurumburik kwa kukukumon kwinoku kwayilejau in kwilej kudi Yesu.