Tukudishany Ukaliweny Wetu mu Mudimu wa Kulejan​—Mu Kufund Mikand Yiwamp

MULONG WAK CHIDI CHA USEY: Mukand wa 1 Korint udi pakach pa mikand 14 yafunday kambuy Paul mulong wa kuyikasikesh ambay nend in Kristu. Mukand ukat kumukwash mwin kuufund kutond mazu mawamp ni mwin kuutambul ukutwish kuutang tupamp tuvud. Kufund mikand udi mutapu uwamp wa kupan uman kudi anamakwetu ni antu akwau a chijiken. Udi kand mutapu uwamp nakash wa kupan uman kudi antu twakad kutwish kwambamb nau ayinetu. Chilakej, antu amwing akutwish kumekesh musangar pakwez chikasiken kuyitan ku yikumbu yau. Chikasiken kutan antu amwing mu teritwar mulong ashich mu yikumbu yijim yichidijinau nakash ap mu yisak ya antu avud ap ku jindond ja kulemp. Yom ik yimwing tufanyidina kutek mu manangu, pakampwil anch tuyifundidin antu twakad kwijik nawamp?

MUTAPU WA KUSADIN:

• 

  Fund yom ukutwisha kulond anch udi ni muntu. Iyijikisha kwinsambishin kwa mukand ni lejan patok yiufundidina mukand winou. Pamwing ap ipul chipul chikutwishay muntu kutongin ni muleja kapend ketu ka web. Kupwa muleja piur pa Malejan ma Bibil Madia pa Kapend ap program wa kwilej Bibil ku yikumbu ap muleja mashapitre mamwing madia mu mikand ya kwilej. Kupwa ukutwish kumutekin mu anvelop mikand mudi kart wa kwiyijikish nich, diladikij ap trakt

• Fund mu wiswimp. Mukand wey ufanyidinap kulep nakash, chamwamu muntu ufundidina ukuziy pa kuutang.—Tal mukand wa chilakej udia pa paj wa 8

• Utangirila mulong wa kuman yilim. Ikal nich kashinsh anch mukand winangin, uswapel kutang, usadidin mazu ma urund, ma kalimish ni makasikeshina.