DILEJAN DIA 25
Nzamb Ukatin Anch Twikal ni Mashakamin ma Mutapu ik?
Bibil ulejen anch mwom wa antu ud wiswimp ni ‘wizwil sens nich mar.’ (Job 14:1) Ov, winou wawiy mwom ukatinay Nzamb anch twikal nich? Anch bwat, yom ik yitutongidinay? Ov, yikez kawanyin kamu? Shinshikin yakul yisangareshina yiletinay Bibil.
1. Nzamb ukatin anch twikal ni mashakamin ma mutapu ik?
Yehova ukatin anch twikal ni mashakamin mawamp nakash. Payitangay antu a kusambish, Adam ni Ev, wayiteka mu paradis muwamp, mu chir cha Eden. Kupwa “Nzamb wayiyukisha, ndiy wayela anch: ‘Valijanany, vulijanany, shakamany, izwishany ngand ni kuyiziyish.’” (Disambishil 1:28) Yehova wading ukatin anch aval an, akarumun divu diawonsu kwikal paradis, ni ayilam annam. Rusot rend rading anch antu awonsu ikal ni mashakamin mawamp ni ashakam chikupu.
Ap anch nlel mashakamin madiap mud mwakatay Nzamb,a pakwez rusot ra Nzamb riswimpinap. (Isay 46:10, 11) Ni katat ukatin anch antu amuziyidina ndiy ikal ni mashakamin mawamp ni ashakam chikupu.—Tang Kujingunik 21:3, 4.
2. Mutapu ik tukutwisha kwikal ni mashakamin mawamp katat?
Yehova watutanga ni ‘maswir ma mu spiritu,’ charumburik anch impu ya kumwijik ni kumwifukwil ndiy. (Tang Mateu 5:3-6.) Ukatin anch twikal mu urund wa piswimp ni ndiy, “kwendil mu jinjil jend jawonsu, ni kumukat,” ni kumusadil “nich michim [yetu] yawonsu.” (Kuvurik Yijil 10:12; Kuseng 25:14) Anch twasal mwamu, tukutwish kwikal chakin kamu ni musangar chikalap nchik milong turishina nich. Anch twamwifukwil Yehova, tukat kwikal ni musangar mulong tushich kukwatijan ni mbil jend.
ILEJA CHIKURIKINA
Tal mutapu wamekeshay Yehova anch utukatin nakash patutanginay divu, ni yom yilejenau mu Dizu diend piur pa diyingishin diatanginay mwom.
3. Yehova ukatin anch antu ikal ni mashakamin mawamp nakash
Talany VIDEO, kupwa isambinany chipul ech:
Mulong wak Nzamb watanga divu diwamp mwamu?
Tang Mulej 3:11, kupwa isambinany chipul ech:
Yom yiney yikufundishin ik piur pa Yehova?
4. Rusot ra Yehova riswimpinap
Tang Kuseng 37:11, 29 ni Isay 55:11, kupwa isambinany chipul ech:
Mutapu ik twija anch rusot ra Yehova mulong wa antu riswimpinap?
Chikumbu chasheshikina kal akutwish kuchirijek. Chilik chimwing, divu diayipishinau kal kud antu akudirijek kud Nzamb mulong wa antu amukatina
5. Kumwifukwil Yehova kukat kutuletin musangar wakin
Kwijik mulong wak atutanga kukat kutuletin musangar nakash. Talany VIDEO, kupwa isambinany chipul ech:
Kwijik mulong wak atutanga kwamukwasha mutapu ik Terumi?
Tang Mulej 12:13, kupwa isambinany chipul ech:
Mutapu ik tukutwisha kumekesh kujikitish kwetu mulong wa yom yivud yatusadidinay kal Yehova?
ANCH MUNTU WAKWIPUL ANCH: “Mulong wak atutanga?”
Ey ukwakul nchik?
YOM TWILEJA KAL
Yehova ukatin anch twikal ni mashakamin mawamp ni tushakam chikupu pa divu. Anch twamwifukwil ni muchim wetu wawonsu, tukat kwikal ni musangar wakin—ap kamu kusambish katat.
Ov, uvurikin?
Yehova wading ukatin anch Adam ni Ev ikal ni mashakamin ma mutapu ik?
Mutapu ik twija anch rusot ra Nzamb mulong wa antu riswimpinap?
Mutapu ik ukutwisha kwikal ni musangar wakin mu mwom?
JINGUNIN KAND
Tal uman umekeshina anch chir cha Eden chadingaku chakin kamu.
“Ov, Chir Cha Eden—Ringany Bil Anch Uyakin?” (Chinong cha Kalam cha 1 Ngond wa 2, 2011)
Jingunin yom yitwinkishina kashinsh anch divu dikudandamen kwikalaku chikupu.
Tal yom yilejenay Bibil piur pa mutapu tukutwisha kwikal ni musangar wakin mu mwom.
Tal mutapu ikundj umwing watongang kwinsambishin anch uwanyishin yom yawonsu mwashikenay kutan yom yading yiburedina mu mwom wend.
a Mu dilejan diambakedinap ukuman mulong wak rusot ra Nzamb rawanyinap.