Difundish dia 16

Mekesh rukat rey mulong wa Nzamb

Chakwel kulam murund, ufanyidin kwisamb nend. Ukat kumutesh, ni ndiy ukat kukutesh. Ukat kwisambin kand yom yiwamp ya murund ney ni antu akwau. Chidi chilik chimwing kwikal murund nend Nzamb. Shinshikin yilondila Baibel piur pa chom chinech:

Isamba ni Yehova chisu ni chisu mu malembil. “Lembilany yisu yawonsu.”—Rom 12:12.

Tang Dizu dia Nzamb, Baibel. “Mazu mawonsu mabachikay Nzamb kumafund mawanyidin kulejan nich, ni kukand nich, kupup nich, ni kuyilej nich antu mu kutentam.”—2 Timote 3:16.

Yifundisha akwau mulong wa Nzamb. “Yangany kudi antu a michid yawonsu, . . . yilejany kuziyil ku yom yawonsu yinakulejanya.”—Mateu 28:19, 20.

Ikal piswimp ni arund nend Nzamb. “Muntu ukata kwend ni in manangu niyend ukez kwikal mwin manangu.”—Jinswir 13:20.

Kumangan ku yikumangan ku Chot cha Want. ‘Tutalijanany muntu ni muntu mukwau chakwel tukwashijanany kumekesh rukat ni midimu yiwamp, . . . ni kukasikeshijan umwing ni mukwau.’—Hebereu 10:24, 25.

Pan ukwash wey ku mudimu wa Want. “Chifanyidin muntu mwawonsu kupan mudi mutongilay amwinend wakad kupan nich ushon ap kupan kwa kumubachik nich usu. Mulong Nzamb ukatil muntu ukata kupan nich musangar.”—2 Korint 9:7.

[Chipich chidia pa paj wa 27]

Chot cha Want cha Atuman’a Yehova