Ov, Nzamb Udi Kwisu?
Mu mwinkind 11, 2001 Pa saa ya 8:46 pamanch, kajil wa yikung wawila pa chikumbu cha etaj cha winsak cha kwindum kwa World Trade Center mu musumb wa New York—dikala disambishil dia kwas njit kudi in kwakamishan ni kujipan (terroriste). Mu minit 102, antu piswimp 3000 ajiya.
Kachirikin 26, 2004
Kuzal kukash kwa divu mu karung wa Inde kwalangwisha kulondulijan kwa mambek makujipan mashesha jingand 11, kuwejinaku ni jingand ja mu Afrik—piswimp ni ma kilometre 5000. Mu dichuku dimwing, antu 150000 afa ap ashadika, ni antu miliyon umwing ni kusut ashala pakad yikumbu.
Kafumpul 1, 2009 Muntu umwing wa mivu 42 ni mwanend wa mivu 5 ibula mu mutond wadinga uwil mwi njil padingau ni kusengan masengan makwendil pa ma glace matazukinau anch ski. Tatuku wafa pinipa. Pasuta dichuku dimwing ni mwanend wafa. Mwanamakwau umwing wova ushon nakash walonda anch “Twading tutongin anch ukez kupand ni chela kwikal chilay.”
Piutangina yom piur pa kujipan kwa in kwakamishan ap pa mar ma chitangil ap pakata kukushiken mar makash, ov ukat kwiyipulang anch Nzamb umening yom yisadikininga? Ov, wiyipwiling anch ndiy watulikin kal? Bibil uletin yakul ya ukwash, mudi mutukeza kuyiman.
[Mazu Marumburila Yipich yidia pa paj wa 3]
© Dieter Telemans/Panos Pictures
PRAKASH SINGH/AFP/Getty Images
© Dieter Telemans/Panos Pictures