BIBLIOTEK Udia pa Kapend
BIBLIOTEK
UDIA PA KAPEND
Uruund
  • BIBIL
  • MIKAND
  • YIKUMANGAN
  • wp18 no. 2 map. 10 ​-​ 11
  • Kushilamu Kukeza Kuwanyin

Kwikil video ukimbina

Video winou umukimbinap amboku nawamp.

  • Kushilamu Kukeza Kuwanyin
  • Chinong cha Kalam Chilejen Want wa Yehova (Cha antu awonsu)—2018
  • Tumitu twa milong
  • Yom Yifanakena
  • ‘DIKEZ KUWANYISH KAMU’
  • Arund nend Nzamb akushakam mu paradis
    Ukutwish Kwikal Murund wa Nzamb!
  • Mulong wa Mangand Mawonsu, Chifanyidin Kuudiosh pa Mangand Mawonsu
    Chinong cha Kalam Chilejen Want wa Yehova—2010
  • Ov, Want wa Nzamb Chom Ik?
    Chinong cha Kalam Chilejen Want wa Yehova—2011
  • Mwom mu Mangand Masu ma Chisambu
    Mwom mu Mangand Masu ma Chisambu
Tal Yom Yivud
Chinong cha Kalam Chilejen Want wa Yehova (Cha antu awonsu)—2018
wp18 no. 2 map. 10 ​-​ 11
Ikundj umwing utadin ku mukandu

Kushilamu Kukeza Kuwanyin

Rusangu ruwamp ra Want wa Nzamb akat kurilejan pa mangand mawonsu, mudi mwalonday Yesu. (Mateu 24:14) Mukand wa mu Bibil wa Daniel utulejin anch Want winou udi guvernema wa Nzamb. Shapitre wa 2 wa mukand winou ukwet uprofet ulejena kuswinkanijan kwa maguvernema mawonsu ma antu kudiokal ku Babilon wa pakur kushik ni nlel. Pasambelay kulejan yom yikushikena kurutu, verse wa 44 ulondin anch:

‘Nzamb wa mwiur ukez kimikish want wakad kwez kudiosh. Ni want kakezap kuupan kudi antu akwau. Ukez kapuchol ni kupwish mant makwau minam mawonsu, ni wawiy ukez kashakam chikupu.’

Uprofet winou ni uprofet ukwau udia mu Bibil wasambela kulejan anch Want wa Nzamb ukuswinkan mant mawonsu ma antu ni kulet diking ni kudiosh kanrumbangesh kudi antu adia pa divu. Mutapu ik ukwikala mashakamin mwinshin mwa Want? Kwinshin oku kudi kushilamu kupandakena kuwap kukuwanyina piswimp ap.

  • Akwatijadin mu makas

    KUKWIKALAP KAND NJIT

    Kuseng 46:9: “[Nzamb] ukat kukatwish njit ni kwisudiel ya mangand; Ndiy ukat kubukon mat, ukat kukatwol mirumbu yikunku yikunku, ukat kwosh matemb mu kasu.”

    Tong mutapu ukwikala mangand anch nfalang jawonsu ni yom yisadidinau katat mulong wa kusal mat ayisadin mulong wa uwamp wa antu pa ndond pa kuyijip! Kushilamu kwinoku kukwikal kwakin mwinshin mwa Want wa Nzamb.

  • Ukaninikin

    KUKWIKALAP MAYEJ

    Isay 33:24: ‘Kwikil muntu ap umwing ukeza kulond anch: Niyedil.’

    Tong piur pa mangand mukushakama antu akad kuyel mayej ma rudung, kanser, malaria ni mayej makwau. Kukwikalap kand kuswir kwa marupital ap mon. Antu akushakama pa divu machuku ma kurutu akwikal ni ukash wa mujimbu uwanyidina.

  • Mbut

    KUKWIKALAP KAMUNGUN

    Kuseng 72:16: “Kukwikal mbut jivud mwi ngand, ni mitu ya mbut yikazengamin mu yir pa mukandu.”

    Divu dikusong yakudia yivud mulong wa antu awonsu ni muntu mwawonsu ukwikal ni yakudia. Nzal ni kuburen yakudia yikwikalapaku.

  • Ikundj, mband, ni mwan

    KUKWIKALAP KAND KUSANSAN, RUNENG AP RUFU

    Kujingunik 21:4: “[Nzamb] ukez kayikusol mansoj mawonsu ku mes mau. Kukez kikalap kand rufu, ap madil, ap kwishikokin, ap kusansan, mulong yom yikur kiyamekanap kand.”

    Chimekeshin anch kukwikal mwom wakad disudiel mu paradis pa divu! Yiney yawiy yom yashilayamu Sakatang wetu wa rukat, Yehova Nzamb.

‘DIKEZ KUWANYISH KAMU’

Ov, yom yiney yoviken anch yipandaken kuwap mulong wa kuwanyin? Pakwez antu avud akutwish kwitiy kapamp kamwing anch mwom ukaninau ni ulejenau mu Bibil usangareshin nakash, pakwez mulong wa mayingishin kushalijan antu avud amen anch chitongijok cha kushakam chikupu chikasiken kuchitesh. Chinech chishimwokishenap, mulong kwikil muntu ap umwing wikadinap kal ni mwom mudi winou chakwel atuleja mutapu muuding.

Antu andamin kal mu usuk wa chitil ni rufu ni aziyin kal mulong wa kusansan, mar ni milong yivud mu mivu yivud chawiy amen kal anch mashakamin minam madi kwau mawamp ni mwawiy mwamatangau. Pakwez chinech chikwatijadinap ni chitongijok cha Sakatang wetu Yehova Nzamb, mulong wa antu.

Mulong wa kutukwash kusanger kashinsh ka yom yawonsu yakanay kal, Nzamb walonda nich mazu manam: ‘Dikezap kuchirik kud am pakad yibudikin, pakwez dikez kuwanyish kamu chom chinikata kusanger, ni dikez kupandakan mu yawonsu naditumina dizu diam kusal.’—Isay 55:11.

Mu Bibil, Yehova amulejen mudi Nzamb “wakad kutwish kudimban” (Titus 1:2, TMK.) Mulong washidinamu kal yom yiney yawonsu yipandakena kuwap mulong wa machuku ma kurutu, chikwikal cha manangu ku mutambu wetu kwiyipul anch: Ov, chitwishikin kamu kudi antu kushakam chikupu mu Paradis washilaumu pa divu? Yom ik tufanyidina kusal mulong wa kutaninamu mu kushilamu kwa Nzamb? Mu mapaj malondwilaku ma gazet winou, ukutan jinsangu ja ukwash jakwila ku yipul yiney.

    Mikand ya Uruund (1999-2025)
    Budik
    Andam
    • Uruund
    • Kwangan
    • Yom ukatina
    • Copyright © 2025 Watch Tower Bible and Tract Society of Pennsylvania
    • Mbil ja Kusadin
    • Mbil ja Ujindj
    • Paramètres de confidentialité
    • JW.ORG
    • Andam
    Kwangan