Yakumenaku ya Sampul (Anch Kwikil mu Uruund, Sadilany Amboku Magazet ma Français)

Kusambish Malejan ma Bibil Diampos dia Kusambish pa Kafunfut

“Ov, ey utongin anch Nzamb uteshining malembil metu? Ov, ey utongin anch ndiy umakwatining nich usey bil anch kamitiyijiningap?” Mulika akula. Muleja chibur cha nsudiel cha Chinong cha Kalam cha pa Kafunfut 1, ni shinshikinany pamwing yom yidia mu chipul cha kusambish ni shinshikinany kand umwing wa ku mifund yijimbwilau. Mwinkisha magazet ni tenchik chakwel wisamba nend chipul chikwau.

Chinong cha Kalam Kafunfut 1

“Mulong Nzamb udi mwin dikand diawonsu, ov, ey utongin anch ndiy ufanyidin kwikal musul wa yom yawonsu yiyimp yisadikina pa mangand? [Mulika akula. Kupwa, tang Jakobu 1:13.] Gazet winou ulejen mulong wak yom yiyimp yisadikina ni mutapu ukezay Nzamb kupwish uyimp ni mar.”

Réveillez-vous ! Kafunfut

“Chikalap nlel ap machuku ma kurutu, muntu mwin mwawonsu warishap kal nich mutapu umwing wa mar, mudi mar ma chitangil, mayej ma ukash wa mujimbu ap rufu ra mukatish kanang. Chisu chishikininga yom mudi yiney, ov, ey utongin anch chiding cha usey kulam chitongijok chiwamp? [Mulika akula.] Antu avud atana anch Bibil uding wa ukwash nakash chisu chirishiningau nich mar minam. [Tang Rom 15:4] Gazet winou ulejen mutapu Bibil ukutwishay kutukwash pa chisu turishininga nich mar.”