Pfuna Lava U Va Dondzrisaka Bibele Akuva Va Ya Mintlhanganwini

Mintlhanganu ya bandla i xiyenge xa lisima ka wugandzreli byezru. (Ps 22:22) Hinkwavu lava tlhanganaka kuva va gandzrela Yehovha va kuma ku nyonxa ni matovoko. (Ps 65:4) Lava hi dondzraka na vone Bibele, va talisa ku hluvuka hi xihatla loko va va kone mintlhanganwini nkama ni nkama.

U nga mu pfunisa kuyini lweyi u dondzraka na yene Bibele akuva a ya mintlhanganwini? Khinyela ku mu zramba kuva a ya mintlhanganwini. Mu kombe vídeo ledzri liki Ku Yentxeka Yini A Ndlwini Ya Nfumu? Mu tlhamuxeli lisima dzra mintlhanganu. (Hanya Hi Ku Nyonxa! Xidondzro 10) Mu byele hi yinhla ya lisima leyi wa ha ka ku yi dondzra a mintlhanganwini kumbe u mu byela leswi taka dondzriwa ka ntlhanganu lowu landzrelaka. Mu nyike mabuku lama taka tizrisiwa a mintlhanganwini. Nakone mu pfune loko swi vileleka. Swi nga yentxeka a djula boleya akuva a ya mintlhanganwini. Hinkwaswu leswi u taka swi yentxa akuva u pfuna lweyi u dondzraka na yene Bibele kuva a ya mintlhanganwini hi khambi dzra ku sungula, swi ta va xipfunu lexikulu ka yene.—1Ko 14:24, 25.

HLALELANI VÍDEO LEDZRI LIKI PFUNA LAVA U VA DONDZRISAKA BIBELE AKUVA VA YA MINTLHANGANWINI, MI GAMA MI HLAMULA SWIVUTISO LESWI LANDZRELAKA:

• 

  Hi wini mukhandlu lowu pfulekeliki Anita kuva a zramba Judite ku ya mintlhanganwini?

• 

  Ha yini hi nyonxa loko lweyi hi dondzraka na yene Bibele a sungula ku ta mintlhanganwini?

• 

  I yini leswi yentxekiki loko Judite a ye mintlhanganwini hi khambi dzra ku sungula?