Pfuna Lava U Va Dondzrisaka Bibele Akuva Va Hambana Ni Vanghanu Lava Ku Biha

Akuva lava hi dondzraka na vone Bibele va va vanghanu va Yehovha, va fanela ku hlawula vanghanu lavanene. (Ps 15:1, 4) Vanghanu lavanene va ta va kutxetela ku yentxa leswi nga swinene.—Pr 13:20; Hanya Hi Ku Nyonxa! Xidondzro 48.

Loko u pfuna lava u dondzraka na vone Bibele ku va va hambana ni vanghanu va ku biha, vana lwa a yanakanyelanaka. Swi nga yentxeka na va lwa hi nkhinkhi kuva va hambana ni vanghanu va khale. Va kombe leswaku wa zron’weka ha vone ku nga li ka masiku lawa u djulaka leswaku mi dondzra ntsena. U nga ha mu zrumelela mensaji u mu losa, kumbe u mu fonela nambi ku mu yendzrela kunene swa nkamanyana. Loko lava hi dondzraka na vone Bibele va hluvuka, hi nga ha va zramba kuva hi hungata na vone kun’we ni vamakwezru a bandleni. Xileswo va ta swi vona leswaku i swinyingi leswi va swi kumaka ku tlula leswi va swi luzaka. (Mr 10:29, 30) Na wene u ta nyonxa loko u vona leswaku ndangu wa Yehovha wu ya wu kula.

HLALELANI VÍDEO LEDZRI LIKI PFUNA LAVA U VA DONDZRISAKA BIBELE AKUVA VA HAMBANA NI VANGHANU LAVA KU BIHA, MI GAMA MI HLAMULA SWIVUTISO LESWI LANDZRELAKA:

• I yini vanghanu lava ku biha?—1Ko 15:33

• Xana Judite a a yanakanya leswaku ku hungata ni vamakwezru swi ta va hi ndlela yini?

• Xana Anita a mu pfunise kuyini Judite kuva a tsrhika vanghanu lava ku biha?