Pfuna Lava U Va Dondzrisaka Bibele Akuva Va Hlula Swihena Leswi Nga Basangakiki

Ntsena lava nga ni mahanyela lama basiki va nga va ni wuxaka lebyinene na Yehovha. (1Pe 1:14-16) Loko lweyi u dondzraka na yene Bibele a ya a tsrhika mahanyela ya ku biha, a nga ha va ni ndangu lowu nyonxiki, lihanyu ledzrinene ni ku tizrisa mali hi ndlela leyinene.

Mu tlhamuxeli milawu ya mahanyela ya Yehovha, ha yini a fanela ku yi landzra ni leswaku ha yini swi li swinene ku yentxa tanu. Tihite ku pfuna lweyi u dondzraka na yene Bibele akuva a txintxa mapimisela yake akuva a yentxa leswi Yehovha a swi djulaka. (Ef 4:22-24) Mu tiyisekise leswaku hi ku pfuniwa hi Yehovha a nga swi kota ku tsrhika mintxhumu ya ku biha leyi a buyaka na a yi yentxa hi masiku. (Flp 4:13) Mu pfune kuva a khongota a kombela mpfunu wa Yehovha loko a dzringeka ku yentxa mintxhumu ya ku biha. Mu pfune kuva a tingawula mbangu kumbe mintxhumu leyi nga ha mu kokelaka ku yentxa mintxhumu ya ku biha. Mu pfune ku siva mintxhumu ya ku biha hi leyinene. U ta nyonxa loko u vona lweyi u dondzraka na yene Bibele a hamba ku txintxa hi ku pfuniwa ha Yehovha.

HLALELANI VÍDEO LEDZRI LIKI PFUNA LAVA U VA DONDZRISAKA BIBELE AKUVA VA HLULA SWIHENA LESWI NGA BASANGAKIKI, MI GAMA MI HLAMULA SWIVUTISO LESWI LANDZRELAKA:

• 

  Xana vakulu na Anita va swi kombisise kuyini leswaku a va mu dumba Judite?

• 

  Xana Anita a mu pfunise kuyini Judite?

• 

  Xana Judite a kombelise kuyini mpfunu ka Yehovha?