BIBLIYOTEKA Dzra Watchtower Ka Internet
Dzra Watchtower Ka Internet
BIBLIYOTEKA
Xironga
  • BIBELE
  • SWIPALUXIWA
  • MINTLHANGANU
  • w21 Otubru matl. 14-17
  • Pfuxeta Wuxaka Byaku Na Yehovha

A ku na video ka leswi u swi hlawuliki

Dzrivalelo, ku ni leswi hoxekiki akuva video dzri txhaya.

  • Pfuxeta Wuxaka Byaku Na Yehovha
  • Xihondzro Xa Ku Zrindzra Xi Zrezraka Mfumu Wa Yehovha (Nhlayu Ya Xidondzro)—2021
  • Swinhlokwanamhaka
  • Leswi Yelanaka Na Dzrone
  • SWIKAZRATU LESWI U NGA HA KUMANAKA NA SWONE
  • TIBEKELE MAKUNGU LAWA U TAKA KOTA KU MA TLHASELELA
  • U NGA KAZRALI!
  • ‘Vitana Vakulu Va Bandla’
    Xihondzro Xa Ku Zrindzra Xi Zrezraka Mfumu Wa Yehovha (Nhlayu Ya Xidondzro)—2025
  • Yehovha A Ku Zrandzra Ngopfu Swinene!
    Xihondzro Xa Ku Zrindzra Xi Zrezraka Mfumu Wa Yehovha (Nhlayu Ya Xidondzro)—2021
  • Vakulu—Tamani Mi Yetisela Xikombiso Xa Mupostola Pawulo
    Xihondzro Xa Ku Zrindzra Xi Zrezraka Mfumu Wa Yehovha (Nhlayu Ya Xidondzro)—2022
  • Loko U Na Yehovha A Wu Wuswaku
    Xihondzro Xa Ku Zrindzra Xi Zrezraka Mfumu Wa Yehovha (Nhlayu Ya Xidondzro)—2021
Vona Leswi Yengetelekiki
Xihondzro Xa Ku Zrindzra Xi Zrezraka Mfumu Wa Yehovha (Nhlayu Ya Xidondzro)—2021
w21 Otubru matl. 14-17
Makwezru lweyi a heliki ntamu hi ku pimisa hi nkama ni ntamu lowu vilelekaka akuva a tlhela a yaka yindlu leyi honekiki.

Pfuxeta Wuxaka Byaku Na Yehovha

LEMBE ni lembe, tihamba tinyingi ta lisima ta tlhelela a bandleni dzra wukriste. Yanakanya ku nyonxa loku nga kone a tilweni loko yin’we ya tone yi tlhelela! (Lk 15:7, 10) Loko wa ha ku tlhelela a bandleni, tiyiseka leswaku Yesu, tintsrumi kun’we na Yehovha va nyonxe ngopfu swinene hi ku ku vona u tlhelela a ntiyisweni. Kambe a nkama lowu u yakaka wuxaka byaku na Yehovha, u ta kumana ni swikazratu. He swini swin’we swa kone? Hi swini leswi taka ku pfuna ku va u langutana na swone?

SWIKAZRATU LESWI U NGA HA KUMANAKA NA SWONE

Ntsrhaku ka loko va tlhelela a bandleni, vanyingi va ha tama va lwisana ni matitwela lama hoxekiki. Swi nga yentxeka u titwa ku fana na hosi Davhida. Nambi ntsrhaku ka loko a dzrivaleliwile, a hlaye leswi: ‘A wusomboloki byanga byi ndzri khomile.’ (Ps 40:12; 65:3) Loko va tlhelela ka Yehovha, vambeni va ha tama va lwisana ni ku titwa va nga pfuni ntxhumu kumbe tingana ku dzringana malembe manyingi. Isabelle, a tlhelele a bandleni ntsrhaku ka 20 wa malembe na a susiwile.a A te: “A swi ni kazratela ku pfumela leswaku Yehovha a a ta ni dzrivalela.” Loko u hela ntamu, a wuxaka byaku na Yehovha byi nga ha tlhela byi hola. (Pr 24:10) U nga pfumeleli kuva leswo swi yentxeka.

Van’wana va pimisa leswaku a va nge swi koti ku yentxa hinkwaswu leswi vilelekaka akuva va pfuxeta wunghanu byavu na Yehovha. Ntsrhaku ka loko a tlhelele a bandleni, Antoine a te: “A swi yentxa ingiki a ni dzrivalile ndlela leyi mukriste a fanelaka ku hanya ha yone.” Hi mhaka ya matitwela ya ku fana ni lawo, vambeni a va tinyiketeli hi ku helela ka mintizro ya moya.

Akuva u swi twisisa, yanakanya hi xidzedze lexi honeteliki yindlu ya kukazri. Loko a n’winyi wa yindlu a vona xiyimu lexiyani, a hela ntamu ntsena hi ku pimisa hi hinkwaswu leswi fanelekaka akuva yi tlhela yi yakiwa. Ku yentxeka leswi fanaka loko u yentxe xidoho xa kukazri, u va u honetela wuxaka byaku na Yehovha. U nga ha kazrateka hi ku yanakanya hi hinkwaswu leswi vilelekaka akuva u pfuxeta wumoya byaku. Kambe a wu nge swi koti ku byatsrha leswo wuswaku.

Yehovha a hi zramba, a ku: ‘Tanani ke, hi kanelisana timhaka.’ (Eza 1:18) U tikazrate ngopfu akuva u “kanelisana timhaka” na Yehovha nakone awa ku zrandzra hi leswi u yentxiki leswo. Yanakanya hi leswi: Yehovha a nga tizrisa xikombiso xaku akuva a hlamula swihehlo swa Sathana!—Pr 27:11.

Akuva u tlhelela a ntiyisweni, u tsrhindzrekele kusuhi na Yehovha. Nakone a dumbisa leswaku a ta tsrhindzrekela kusuhi na wene. (Yk 4:8) Kambe u nga nyonxisiwi ntsena hi kuva van’wana va tiva swaku u tlhelele a bandleni. U fanela ku tiyisa lizrandzru ledzri u nga na dzrone hi Papayi waku ni munghanu waku, Yehovha. Xana u nga swi yentxisa kuyini leswo?

TIBEKELE MAKUNGU LAWA U TAKA KOTA KU MA TLHASELELA

Dzringisa ku tibekela makungu lawa u taka kota ku ma tlhaselela. Dzrimuka leswaku leswi tiyisaka lipfumelo dzraku, a swi txintxi. Leswi liki, wa ha ti dzrimuka tindondzro ta masungulo ta Bibele mayelanu na Yehovha ni dumbo ledzri a hi nyikaka dzrone hi wumundzruku. Kambe u fanela ku pfuxeta wuxaka byaku na Yehovha. Nakone leswo swi patsra ku zrezra madzrungula lamanene nkama ni nkama, ku ya a mintlhanganwini ni ku heta nkama ni vamakwezru. Vona man’we ya makungu lawa u nga tibekelaka wone.

Bulisana na Yehovha minkama hinkwayu. Papayi waku wa le matilweni awa swi tiva leswaku ku titwa nandzru swi nga yentxa leswaku swi ku kazratela ku khongota. (Ro 8:26) Kambe tama u khongota. Byela Yehovha leswaku u swi djula ngopfu ku va munghanu wake. (Ro 12:12) Loko a dzrimukela, Andrej a li: “A ni titwa nandzru ku tlula mpimu ni tlhela ni dana. Kambe loko ni ya ni khongota, a ni vona leswaku a matitwela wolawo a ma yampswa. Kambe loko ni ya ni khongota, a swi ya swi ni yampswela. A ni twa ku zrula.” Loko u nga swi tivi swa ku swi hlaya ka xikhongoto xaku, dondzra Amapsalma ndzrima 51 ni 65, lani ku kombisiwaka swikhongoto swa Davhida loko a tisola.

Dondzra Bibele nkama ni nkama. Leswo swi ta tiyisa lipfumelo dzraku ni ku tiyisa lizrandzru dzraku ha Yehovha. (Ps 19:7-11) Felipe a hlaya leswi: “Ku va ni nga na xiyimiso xa ku dondzra Bibele siku ni siku hi swone swi tsranisiki lipfumelo dzranga swi tlhela swi ni yentxa ni khunguvanyisa Yehovha. A ni nga swi djuli ku tlhela ni phindha xihoxo xo xa xin’we. Xileswo, ni sungule ku va ni xidondzro xa ximunhu nakone leswo swi ni sizrelelile.” Na wene u nga yentxa leswi fanaka. Loko u nga swi tivi leswaku u nga dondzra ha yini, kombela munghanu lweyi a wupfiki akuva a ku pfuna.

Tiyisa wuxaka byaku ni vamakwezru. Van’wana lava tlhelelaka a bandleni va txhava leswaku vamakwezru va nga va bekela xiviti. Larissa a li: “A ni ni tingana swinene. A ni titwa ingiki ni kanganyise bandla. Nakone ni titwe hi ndlela leyo ku dzringana nkama wunyingi.” Tiyiseka leswaku vakulu ni vamakwezru vambeni lava wupfiki va swi navela ku ku pfuna akuva u pfuxeta wunghanu byaku na Yehovha. (Vona bokisi ledzri liki “Leswi Vakulu Va Nga Swi Yentxaka”.) Va nyonxe ngopfu hi leswi u tlheleliki a bandleni, nakone va djula kuva u nyonxa!—Pr 17:17.

Xana u nga tsrhindzrekelisa kusuhi ni bandla? Titlhanganise kun’we ni vamakwezru hi ku va minkama hinkwayu u va kone a mintlhanganwini ne nsin’wini. Xana leswo swi nga ku pfunisa kuyini? Felix a li: “Vamakwezru a bandleni a va swi lavisele ngopfu ku va ni tlhelela. Ni titwe na ni zrandzriwa. Va ni pfune ku va ni tlhela ni titwa na ni li xizro xa bandla, ni titwa na ni dzrivaleliwile, ni ku ya mahlweni ni tizrela Yehovha.”—Vona bokisi ledzri liki “Xana U Fanela Ku Yentxa Yini?”

Leswi U Nga Swi Yentxaka

Pfuxeta wumoya byaku

Nkulu wa bandla lweyi a khongotaka ni makwezru lweyi a tlheleliki ka Yehovha.

BULISANA NA YEHOVHA MINKAMA HINKWAYU

Byela Yehovha leswaku u swi djula ngopfu ku va munghanu wake. Vakulu va ta ku khongotelela va tlhela va khongota na wene

Nkulu lweyi a tizrisaka buku ledzri liki “Tshinela Eka Yehovha” akuva a fambisela makwezru xidondzro xa Bibele.

DONDZRA BIBELE NKAMA NI NKAMA

Tiyisa lipfumelo dzraku, kutani leswi swi ta yengesela lizrandzru dzraku ha Yehovha

Makwezru lweyi a bulisanaka ni vamakwezru vambeni va le bandleni na va li ku hungateni.

TIYISA WUXAKA BYAKU NI VAMAKWEZRU

Hlengela ka mintlhanganu hinkwayu ya bandla u tlhela u va kone a nsin’wini minkama hinkwayu

U NGA KAZRALI!

Nkama lowu u tikazratelaka ku pfuxeta wuxaka byaku na Yehovha, Sathana a ta tama a ku buyisela “swidzedze” kumbe swikazratu akuva a tsranisa wuxaka lebyo. (Lk 4:13) Xileswo, tsrhama na u tibekiselile akuva u tiyisa wuxaka byaku na Yehovha swoswi.

Yehovha a ti dumbisa leswi tihamba take: ‘Ndzri ta djula leya ku lahleka, ndzri buyisa leya ku hlangoliwa, ndzri tsrimbelela leya mbanga, ndzri tiyisa leya ku vabya.’ (Ezk 34:16) Yehovha a pfune malandzra manyingi yake akuva ma tlhelela kwake. U nga tiyiseka leswaku Yehovha a djula ku ku pfuna akuva u tama u pfuxeta ni ku tiyisa wuxaka lebyi u nga na byone na yene.

Leswi Vakulu Va Nga Swi Yentxaka

Nkulu lweyi a pfunaka makwezru ku yaka yindlu yake leyi hohlokiki.

A mpfunu wa vakulu i wa lisima swinene akuva vazrezri lava tlheleliki a bandleni va pfuxeta wuxaka byavu na Yehovha. Vona leswi vakulu va nga va yentxelaka swone.

Va pfune kuva va tiyiseka leswaku va zrandzriwa. Mupostola Pawulo a a swi tiva leswaku mudohi lweyi a tisolaka a nga ha hluliwa hi ‘gome ledzri hundzrisaka’. (2Ko 2:7) Swi nga yentxeka a dana kumbe ku hela ntamu. Xileswo, Pawulo a kutxe bandla a ku: ‘Swi fanekela swoswi ku mu yentxela wuzrombe ni ku mu miyeta’. Lava tlheleliki a bandleni va fanela ku pfuniwa akuva va tiyiseka leswaku va zrandzriwa hi Yehovha ni hi vamakwezru. Akuva va nga hluliwi hi gome i swinene ku va vakulu va va kulungela ni ku va pfuna hi ndlela ya kukazri.

Va khongoteleli. ‘A nkhongoto wa mululami wu kota ngopfu a ku tizreni ka wone.’ (Yk 5:16) Larissa, lweyi hi sunguliki hi bula ha yene, a te: “Ni bulisane ni vakulu vayelanu ni leswi a ni swi txhava. Va ni khongotelelile. Hi ndlela leyo, ni xiye leswaku a vakulu a va nga ni kwatelanga. A va djula ku ni pfuna akuva ni pfuxeta wuxaka byanga na Yehovha.” Theo a li: “A swikhongoto swa vakulu swi ni yentxe ni tiyiseka leswaku Yehovha awa ni zrandzra hakunene nakone awa swi vona leswinene ni swi yentxaka, ku nga li swihoxo ntsena.”

Hamba xinghanu na vone. Lava tlheleliki va vilela vanghanu a bandleni. Nkulu wa kukazri lweyi a vitaniwaka Justin a li: “Londzrovota munkhandlu wun’wana ni wun’wana akuva wu va zramba leswaku va zrezra kun’we na wene. Nakone xa lisima swinene va pfuxeli minkama yinyingi. Ku hamba xinghanu na vone i swa lisima swinene”. Nkulu mumbeni lweyi a vitaniwaka Justin, a li: “Loko vamakwezru a bandleni va xiya leswaku a vakulu i vanghanu va lava tlheleliki a bandleni, va ta djula ku va yetisela.”

Va pfune akuva va dondzra. Munghanu lweyi a wupfiki a nga pfuna mhunu lweyi a tlheleliki a bandleni akuva a dondzra minkama hinkwayu. Nkulu wa kukazri lweyi a vitaniwaka Darko a te: “Na swi zrandzra ku byela vambeni tindzralama ta moya leti ni ti kumiki ka xidondzro xanga xa ximhunu nakone na swi zrandzra ku kombisa leswaku ni swi nyonxela swinene ku dondzra Bibele. Handle ka leswo, ni zrandzra ku dondzra dzrungula dzra kukazri ledzri tiyisanaka ni mhunu lweyi a tlheleliki a bandleni.” Nkulu mumbeni lweyi a vitaniwaka Clayton, a te: “Ni va kutxa ku va va kambisisa mimfambu a Bibeleni ya vhanu lava kumaniki ni swiyimu swa ku fana ni swavu ni ku vona leswi va nga swi dondzraka.”

Vana mubyisi lwenene. Lava susiwiki a bandleni va vone vakulu na va tizra swanga vayavanyisi. Swoswi, ku tlula dzrini, va fanela ku va vona swanga vabyisi. (Yr 23:4) Hatlisa wu yingela leswi va swi hlayaka nakone minkama hinkwayu va kulungeli. Minkama hinkwayu bulisana na vone. Vona leswi nkulu wa kukazri lweyi a vitaniwaka Marcus a swi yentxaka ka mayendzru ya wubyisi: “Hi va byela hi ndzrimana ya kukazri leyi tiyisanaka hi tlhela hi va kulungela. Hi tlhela hi va tiyisekisa leswaku ha tikhuza ha vone hi leswi va yentxeki hinkwaswu leswi va nga swi kotaka akuva va tlhelela ka Yehovha. Hi tlhela hi va tiyisekisa leswaku Yehovha awa tikhuza ha vone. Loko hi gama liyendzro dzra wubyisi, hi va byela siku ni nkama wa ledzri landzrelaka.”

a Mavito man’wana ma txintxiwile.

    Mabuku Ya Xizronga - (2003-2025)
    Huma
    Nghena
    • Xironga
    • Zrumela
    • Tihlawulele
    • Copyright © 2025 Watch Tower Bible and Tract Society of Pennsylvania
    • Milawu Ya Matizrisela
    • Nawu Wa Xihundla
    • Seta Swa Xihundla
    • JW.ORG
    • Nghena
    Zrumela