Xingheniso Xa Xiyenge 8

Ka swidondzro leswi landzrelaka, hi ta vona leswaku Yehovha a nyike Solomoni wutlhazri a tlhela a mu pfumelela leswaku a yaka tempele. O va ku, Solomoni a game a dzrivala Yehovha. Loko u li mupswali, tlhamuxela n’wanaku ndlela leyi vhanu lava a va gandzrela swikwembu swa madzrimi va hambukisiki Solomoni ha yone. Hi ta tlhela hi dondzra hi ta ku yavana ka mfumu wa Israyele, ni hi ta tihosi ta ku biha leti hambukisiki Vaisrayele. Ndzreni ka nkama lowo, vaprofeta vanyingi va Yehovha va dlayiwile. Hosi Yezabele a yentxe leswaku a mfumu wa n’walungu wu ya wu nghena hi nhloko ka wugandzreli bya madzrimi. Ku ve nkama wa ku kazrata swinene, kambe a ka ha ni malandzra ya ku dumbeka a Israyele, man’we yavu a a li hosi Yehoxafati na muprofeta Eliya.