Xingheniso Xa Xiyenge 10

Yehovha a fuma hinkwaswu nakone a ni ntamu a henhla ka hinkwaswu. Hi xikombiso, Yehovha a nga mu tsrhikanga Yeremiya a fa a ndzreni ka xihlovo lexi a xi ni ntsrokolo. A huluxe Xadraki, Mixaki na Abedinego a xikheleni xa ndzrilo, a huluxa na Daniyele ka tinghonyama. A tlhele a sizrelela Exteri akuva a kota ku huluxa vhanu vake. Xileswo, Yehovha a nge ti pfumelela leswaku a wubihi byi tsrhama hi lani ku nga helikiki. Leswi swi profetiwiki mayelanu ni xitatwa lexikulu ku patsra ni nsinya lowukulu swi kombisa leswaku nakunene a Mfumu wa Yehovha ku nga li khale wu ta helisa wubihi hinkwabyu nakone wu ta fuma misava hinkwayu.